Na Xunta de Goberno da institución provincial deste venres aprobáronse as bases polas que se rexerán as liña de axudas de concorrencia competitiva en materia de Cultura e Deporte que ofrece a Deputación de Lugo, que ascenden a un total de 1.170.000 euros, 540.000 euros destinados a colectivos culturais e concellos para a realización de actividades de índole cultural; e 630.000 euros para os clubs deportivos e concellos lucenses para a realización de actividades deportivas.
No caso das axudas de Cultura, as entidades culturais poderán acollerse a dúas liñas, que son compatibles: realización de actividades eventuais ou actividades anuais. Para as actividades de carácter anual (permanente) o límite da axuda son 8.000 euros e para eventos culturais 6.000 euros. O investimento total para esta liña de axudas son 400.000 euros. Por outra banda, para os concellos hai catro liñas, dúas para a realización de actividades e dúas para investimentos, é dicir: por un lado a realización de actividades eventuais ou de carácter anual, para o que só se poderán acoller a unha delas. Esta liña está dotada con 80.000 euros. Por outra parte están as dúas liñas para a realización de investimentos en infraestruturas culturais ou a adquisición de equipamentos para uso cultural: destas dúas últimas liñas os concellos terían que escoller tamén unha. Esta liña está dotada con 60.000 euros.
En canto ás axudas de Deporte, as entidades poderán solicitar dous de tres tipos de axudas: actividade competitiva prolongada ao longo do ano, até un máximo de 8.000 euros; axudas para a organización de eventos deportivos puntuais, até un máximo de 4.000 euros; e axudas para actividades deportivas non competitivas que se desenvolvan de xeito continuado, até un máximo de 8.000 euros. Por outro lado, para os concellos destinaranse 130.000 euros, dos cales 80.000 euros irán dirixidos á realización de investimentos en infraestruturas e á adquisición de equipamentos, e 50.000 destinaranse para gastos correntes de promoción deportiva.
Neste sentido, Antonio Veiga explicou que “mantemos o mesmo orzamento e todas as liñas de axudas que o ano pasado, tanto en Cultura como en Deporte, o que amosa o noso compromiso co deporte de base e o asociacionismo cultural na provincia”, e fixo fincapé en que “antes de que remate o primeiro trimestre do ano, as nosas áreas xa teñen presentado todas as liñas de axudas en concorrencia competitiva, o que facilita o financiamento das actividades tanto de concellos como de entidades, que cada vez son máis as que solicitan estas subvencións”.
As bases destas convocatorias, nas que se establece que as entidades beneficiarias deberán financiar como mínimo un 5% da súa actividade con recursos propios sairán publicadas no BOP no prazo dun par de días, e as entidades e os concellos poderán solicitar este tipo de axudas deportivas no prazo dun mes empezando a contar a partir do día seguinte da súa publicación.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
