A sesión da xunta de goberno do ente provincial acordou as contas xustificativas de 16 obras de mellora en dotacións públicas municipais, financiadas na súa totalidade pola Deputación con 116.400 euros do Plan de Comunidades Veciñais. Os Concellos beneficiados destas actuacións son: Begonte, Castro de Rei, O Corgo, A Fonsagrada, O Incio, Lourenzá, Navia de Suarna, O Páramo, A Pastoriza, A Pontenova, Rábade e Ribadeo.
Derradeiras obras do 1º centro público en España de recría de gando vacún
A Deputación tamén avanza na construción do 1º centro público en España de recría de gando vacún na granxa Gayoso Castro. A Xunta de Goberno deste venres aprobou iniciar a contratación do equipamento das 13 naves de recría, achegando para elo 310.000 euros. Este orzamento forma parte dos 6 millóns de euros que o organismo provincial inviste en solitario na derradeira e segunda fase destas obras.
Nas instalacións chairegas, o organismo provincial está a ultimar na actualidade os traballos de formigonado das naves. Unha vez rematadas estas actuacións, iniciarase a instalación deste equipamento (14 arrobadeiras, 2.110 metros de cornadizas automáticas..). Posteriormente, proseguirase coa instalación eléctrica, coa construción de 16 silos de penso e pesebres exteriores, así como coa da depuradora capaz de xestionar o 100% dos residuos, transformándoos en enerxía. O centro estará listo no 2015, triplicando a capacidade de recría existente en Galicia ó ofrecer 3.000 novas prazas e reactivando a economía.
Reforzo do servizo tecnolóxico
A Deputación reforza o servizo tecnolóxico gratuíto que ofrece a Concellos dende o Centro de Atención ó Usuario (CAU), tendo en conta as máis de 1.000 consultas que atende ó ano dos municipios. A Xunta de Goberno acordou iniciar a contratación desta prestación, achegando para elo 550.000 euros de fondos europeos do Innova-TE. Dende o CAU, a institución presta asesoramento e resolver dúbidas sobre o funcionamento da administración electrónica, factura electrónica, Internet…O éxito desta iniciativa é tal, que cidadáns en xeral e entidades luguesas tamén fan as súas propias consultas.
“O PP non quere transparencia”
O voceiro provincial socialista, Manuel Martínez, fixo referencia ás declaracións do Partido Popular sobre o proceso de contratación do servizo de vixilancia da Deputación, e salientou que “as críticas sen ningún tipo de fundamento que fixo a señor Candia están cheas de incongruencias, mostra da súa total ignorancia sobre o funcionamento da administración”. Martínez explicou que, tal e como a Deputación xa informou o pasado vernes logo da Xunta de Goberno, a institución aprobou unha rectificación no prego de contratación do servizo de vixilancia para “evitar posibles confusións ou fraudes, garantir o concurrencia de todas as empresas interesadas, así como os empregos dos traballadores que actualmente prestan servizo. É un exercicio de transparencia. Non PP non quere transparencia”.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
