A Xunta de Goberno deste venres aprobou a nova composición das mesas de contratación da Deputación de Lugo, que posibilita a separación dos políticos. Serán os técnicos os integrantes permanentes deste órgano. Ata o momento, os políticos eran vogais. Agora, ofréceselles a posibilidade de decidir se queren asistir e en que condicións.
A vicevoceira provincial socialista, Pilar García Porto, avanzou que o PSOE non participará, posto que “defendemos que as directrices políticas sempre estarán marcadas polo equipo de Goberno e non polas mesas de contratación”.
García Porto destacou que un caso semellante é o dos tribunais de selección de persoal, onde a lei xa fixa que os políticos non participen. Cremos que pasará o mesmo coas mesas de contratación”, apuntou.
“As mesas de contratación son órganos técnicos e non políticos”, defendeu a vicevoceira socialista. Neste senso, lembrou os cinco pregos de servizos que ten en marcha a Deputación e onde se incorporaron cláusulas sociais para blindar os dereitos dos traballadores, sendo a primeira Deputación en España que o fai. Isto permitirá que a entidade que independemente resulte adxudicataria non poderá reducir os salarios ós traballadores, tal e como aconteceu coa empresa de seguridade que presta servizo no Pazo dos Deporte e no Museo Provincial.
A vicevoceira adiantou que, esta mesma semana, a Deputación comunicou a dita entidade o cese do seu servizo, privándoa de prolongar o contrato e incautándolle a garantía, posto que infrinxiu o prego de condicións ó reducir o salario dos traballadores. Estes feitos non se verán afectados polo dictame do Consello Consultivo de Galicia.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
