Burela, 11 de marzo de 2014. Este martes deron comezo os traballos de arranxo da avaría que se produciu no emisario submarino de Burela. O alcalde, José Mª González Barcia, agarda que a finais da vindeira semana as obras estean rematadas. Será xa en xuño cando se realice unha inspección da totalidade do emisario “desde o espaldón do porto ata o seu remate para comprobar en qué situación se atopa”.
O rexedor sinalou que “hoxe mesmo pola mañá comezaron as obras para a reparación do emisario submarino no tramo onde todo apunta a que, debido ao temporal, rompeu a canalización, para intentar solucionar este problema canto antes”.
González Barcia explicou que “a avaría consiste na rotura dun tubo xusto onde forma un cóbado para saír por detrás do espaldón do peirao. Vai haber que levantar parte do asfalto da rúa do porto que vai pegada precisamente ao espaldón e tamén parte da beirarrúa para chegar a unha cota de aproximadamente -2 metros e substituír unha peza por outra. Trátase de onde está ese cóbado con dous tubos encastrados, un dentro do outro, ha que substituír os tubos que encastraban por outros que vaian atornillados. Desa forma vamos evitar por tódolos medios que unha situación como esta se volva producir outra vez no futuro”.
Sobre os prazos para a realización da obra o alcalde de Burela dixo que “tendo en conta que se empezou hoxe a traballar e que hai que encargar unha peza nova para substituír á que está agora danada, todo apunta a que a finais da próxima semana vai quedar a obra rematada e lista”.
José Mª González Barcia declarou que “en principio todo apunta á que a avaría é debida ao temporal que houbo o luns pasado. Probablemente xa estivera danada de antes, pero evidentemente o temporal que houbo hai unha semana foi realmente impresionante e polo tanto se había algún pequeno problema loxicamente traduciuse na avaría que temos agora”.
O alcalde burelés engadiu que “no que se refire ao resto do emisario de momento non se vai facer ningunha inspección. Vamos esperar a que se achegue máis o verán, a que as condicións do mar sexan mellores, tamén a que non haxa máis temporais e, coincidindo no tempo coas festas de Burela aproximadamente, si se realizará unha inspección xa submarina para ver o estado do emisario dende o espaldón ata o seu remate. En caso de que houbese algún dano evidentemente procederíase ao seu arranxo”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
