Este xoves celebrouse na Casa do Mar de Ribadeo a unha interesante charla sobre as modificacións legais que se están a preparar polo goberno do Partido Popular na regulación do solo e da minaría no noso país.
O grupo de apoio a Alernativa Galega de Esquerda en Ribadeo explica que “en primeiro lugar a compañeira do Sindicato Labrego Margarida Prieto fíxo unha relación das licencias mineiras que se atopan en diferentes etapas de tramitación, ao amparo do slogan da Xunta “Galicia é unha mina”. Salientou que moitas de elas semellan ser só rendibles se os beneficios económicos van directamente aos petos dos seus promotores, pero non a recuperar ambientalmente os terreos como establece a lexislación nin a compensar aos afectados, que tralos oito ou dez anos de explotación ficarían cunhas terras estériles durante décadas no mellor dos casos”.
Margarida sinalou que “só a mobilización social e a oposición dos concellos afectados foi quen de parar ás multinacionais mineiras, pero que estas, lonxe de desistir, están a presionar para mudar as leis. A lexislación mineira está a mudar coa aparición dun Plan para a Minaría que respaldaría por unha banda a explotación mineira en calquera tipo de chan, independentemente do seu uso actual e mesmo de figuras de protección ou utilidade publica como as concentracións parcelarias; e a maiores eliminaría a necesidade de outorgamento da licencia municipal, de xeito que a oposición veciñal a través dos concellos desaparecería, aprobándose directamente as licencias nos despachos de Compostela”.
Pola súa parte, o deputado de AGE Antón Sánchez denunciou que “o borrador de reforma da Lei do Solo está a traballar na mesma liña, eliminando as capacidades dos Concellos mesmo para delimitar diferentes tipos de chan rústico (o que son actualmente os de protección forestal, agropecuaria, ambiental ou da paisaxe), que ficaría tamén nas mans da Xunta. A maiores, neses tipos de solo se eliminan as diferentes restriccións, co cal cada un podería facer o que queira en calquera lugar”.
“Esta lei, que recupera así filosofía da do goberno Aznar de 1998 que deu pé á burbulla inmobiliaria, establecería que todo o chan é urbanizable salvo que se xustifique o contrario, alimentando expectativas de futuras recalificacións que pulan cara arriba do prezo da terrra. Todo isto dificulta o necesario incremento da base territorial das nosas explotacións agrogandeiras que di estar a apoiar a propia Xunta”, engadiu.
Contra a idea xeral sermos grandes produtores de alimentos, a realidade é que compramos fóra unha grande cantidade deles, por preto de 1.000 millóns de euros ao ano. Por iso, ambos poñentes salientaron a necesidade de “estarmos atentos a estas modificacións normativas, a seguir adiante coas mobilizacións e manter a presión para impedir a súa posta en marcha, polo dano que poden facer hipotecando a sustentabilidade futura do noso rural”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
