Ribadeo, 6 de marzo de 2014. As Concellarías de Cultura, Igualdade e Mocidade organizan, coa colaboración dos centros de ensino da vila, diversas actividades para celebrar o día internacional da muller. O calendario, que arrinca mañá, denominase Marzo en lila.
A edil Mariluz Álvarez Lastra sinalou que “desde as institucións municipais e desde os centros de ensino queremos facer unha campaña de sensibilización a prol da igualdade de xénero. Non podíamos deixar de conmemorar o 8 de marzo, esa loita das mulleres para conseguir os dereitos que hoxe en día temos adquiridos, mulleres loitadoras, de todos os sectores ámbitos, que día a día puxan pola nosa sociedade”.
As actividades programadas no Marzo en lila dan comezo mañá, 7 de marzo, cun contacontos para infantil organizado e programado polo 2º curso do ciclo superior de técnico en educación infantil, do CIFP Porta da Auga. Segundo explica a concelleira de Igualdade”trátase de participar nun contacontos baseado na igualdade de xénero. Este xirará entorno ao Libro dos Porcos de Anthony Browne e está destinado a todos os alumnos e alumnas de infantil dos dous colexios de Ribadeo. Haberá actividades e xogos non sexistas ao longo de sesións que terán unha duración duns 60 minutos”.
O 20 de marzo terá lugar outro contacontos O ratiño presumido a cargo da compañía teatral Trinketrinke. Mariluz Álvarez Castro dixo que “esta representación tamén estará dirixida ao alumnado de educación infantil. Ás 12 da mañá será no colexio Gregorio Sanz e ás 16 horas no Sagrado Corazón de Xesús”.
En educación primaria os rapaces e rapazas de 6º curso dos dous colexios participarán do 24 ao 29 de marzo nun obradoiro de manexo e creación de espectáculos de títeres baseados na igualdade de xénero. Será impartido pola actriz barreirense Comba Campoy “que traballará cos nenos e nenas na realización de sketchs teatrais breves que logo terán que representar. Desta forma poden aprender, falar, discutir e avanzar nos valores da igualdade e non discriminación cara as mulleres dunha forma amena, didáctica e moi efectiva”.
Álvarez Lastra engadiu que “despois para a poboación en xeral e co obxectivo de conmemorar o día internacional da muller haberá unha obra de teatro no auditorio municipal Hernán Naval o vindeiro 16 de marzo ás 20:30 horas. A compañía Abrapalabra Creacións Escénicas porá en escena a obra As do peixe, de Cándido Pazó. É unha viaxe a través da memoria, unha crónica das mulleres traballadoras da conserva, baseada en testemuñas reais da vida nas fábricas a partires dos anos setenta e contada desde o momento actual. Elas tratarán de rememorar o seu pasado laboral e o de tantas mulleres que, despois de que a fábrica de conservas máis importante da vila pechase, despois de moitas e desenganos, atopáronse sen traballo e sen posibilidades reais de volver recuperalo”. O prezo das entradas será de 3,5 euros para desempregados e estudantes e de 5 euros para o público en xeral.
A concelleira de Igualdade contou que “ese día e ao longo de toda a semana os alumnos de plástica do IES de Ribadeo, ao igual que xa fixeron unha intervención no Entroido, na entrada do auditorio exporán unha mostra dos seus traballos relacionados con día internacional da muller traballadora”.
Mariluz Álvarez Lastra convida “a todos e a todas os que o desexen a participar con nós nestas actividades e que nos propoñan iniciativas para levar adiante. Agradecer a participación de todos os centros educativos de primaria e secundaria do noso concello para organizar e levar adiante este tipo de tarefas de sensibilización e coeducación. É moi importante ir concienciando á cidadanía de moitas das cousas que están a pasar hoxe en día”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
