Cervo, 21 de marzo de 2013. A Comisión Provincial de Patrimonio na xuntanza do día 28 de febreiro informou como “non legalizábeis” as actuacións levadas a cabo polo goberno municipal no Conxunto Histórico Artístico de Sargadelos e dar traslado á Direccións Xeral de Patrimonio da proposta de “incoación de expediente sancionador contra o concello por estas intervencións”. A acta da sesión deberá ser refrendada e aprobada na próxima xuntanza da Comisión Provincial. Dende o BNG xa foi denunciada publicamente esta actuación que foi cualificada como “desastrosa” e que unha vez vista toda a documentación “non contaba coa aprobación previa da Dirección Xeral de Patrimonio como corresponde no caso dos Bens de Interese Cultura como é o caso de Sargadelos”.
UN GOBERNO LOCAL QUE ACTÚA COMO PEPE GOTERA E OTILIO E UNHA DELEGACIÓN PROVINCIAL DE CULTURA NEGLIXENTE QUE NON CUMPRE COAS SÚAS OBRIGAS
Para os nacionalistas “ademais de evidenciar unha actuación pouco respectuosa e coidadosa co patrimonio, estamos diante dunha actuación ilegal xa que o goberno local actuou – para intentar amañar a desfeita provocada pola que si estaba autorizada – sen contar cos permisos pertinentes da Dirección Xeral de Patrimonio, mesmo acusan á propia Delegación Provincial de Cultura de neglixente ao non trasladar no momento da execución das obras a técnicos que verificaran a súa boa execución”, como corresponde nun espazo protexido como é Sargadelos.
A fronte nacionalista mesmo desminte os informes remitidos polo goberno local ás autoridades de Patrimonio cando negan movementos de terra na zona, “xa que si existiron e utilizouse maquinaria sobre o terreo que non está permitida sobre xacementos deste tipo polo perigo de danar estruturas”, tal como evidencian documentos gráficos existentes.
O GOBERNO LOCAL PASOU DUNHA TALA PERMITIDA DE NON MAIS DE DOUS OU TRES PIÑEIROS A ELIMINAR 20 EXEMPLARES, ENTRE PIÑEIROS E ACACIAS, E PROVOCAR UN DESASTRE NO PATRIMONIO CULTURAL
O Goberno municipal solicitou á Delegación Provincial da Consellaría de Cultura o 8 de outubro de 2013 permiso para a corta de varios piñeiros no Conxunto Histórico Artístico de Sargadelos, obtendo permiso o 25 de outubro da tala de varios exemplares “na zona mais próxima á sala de exposicións” que foi executada o 30 de xaneiro de 2014 “sen tomar as debidas medidas de protección sobre o patrimonio provocando o derrube doutros exemplares e mesmo derrubando mais dos autorizados en zonas fora do ámbito descrito pola resolución de 25 de outubro”. O resultado desta actuación “supuxo a tala sete piñeiros e trece acacias con moitos anos de antigüidade, danos no mobiliario de pedra do merendeiro e nos muros de protección a redor do mesmo que o BNG xa denunciou en días pasados.
FEITOS CONSUMADOS, ACTUACIÓN ILEGAL E EXPEDIENTE SANCIONADOR PARA O CONCELLO
Despois da actuación o goberno local remitiu informe á Delegación Provincial de Cultura o 25 de febreiro, con ditame da Comisión Provincial de Patrimonio na xuntanza do día 28 de febreiro informou como “non legalizábeis” as actuacións levadas a cabo polo goberno municipal no Conxunto Histórico Artístico de Sargadelos e dar traslado á Direccións Xeral de Patrimonio da proposta de “incoación de expediente sancionador contra o concello por estas intervencións”. A acta da sesión deberá ser referendada e aprobada na próxima xuntanza da Comisión Provincial.
Na súa argumentación, a Comisión Provincial estima que “as actuación executadas, tanto de non tomar as medidas necesarias para evitar danos noutras árbores de gran porte, mobiliario e muro tradicional así como a decisión de cortar as seis árbores que quedaban, alteran e menoscaban as características a apreciación do ben e o seu territorio polo que non serían legalizábeis”.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
A semifinal do Mundial poderá seguirse este martes ás 21.00 horas na Praza Maior.
A alcaldesa, Dolores García Caramés, e o concelleiro Adrián Arias non quixeron perderse a cita e foron os encargados de facer entrega dos premios ás persoas gañadoras, felicitando a todos os participantes polo seu esforzo e polo gran nivel demostrado durante a competición. Desde o Concello de Cervo expresaron o agradecemento á Asociación Cabaleiros da Bidueira polo excelente traballo de organización, así como a todas as persoas colaboradoras, participantes e público asistente que fixeron posible o éxito desta terceira edición.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que foron os encargados de pechar o evento na xornada do domingo.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
María José Gómez, participou este sábado nos actos de celebración do XI Ribadeo Indiano.
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia.
