A Mariña, 29 de marzo de 2014. O Bloque Nacionalista Galego da Mariña vén de presentar na tarde de hoxe o encontro co sector pesqueiro que celebrará o vindeiro sábado, ás 17:30h, na Confraría de Burela.
A responsábel comarcal do BNG, Ana Ermida, indicou que “o que pretendemos con este encontro é poñer sobre da mesa a importancia do sector pesqueiro na Mariña. A pesca é un sector que a día de hoxe, a pesares dos continuos atrancos que se lle poñen desde a Unión Europea e o goberno central co beneplácito do mal chamado goberno galego, segue a ser unha das maiores fontes de riqueza da nosa comarca. Non só a nivel económico, situándose os portos da Mariña nos primeiros postos de facturación de Galiza; senón tamén en xeración de emprego tanto directo como indirecto.”
Esta xornada plantéxase como un encontro no que se valorará a relevancia do mundo da pesca na comarca, por iso, desde o BNG, convidan a asistir non só ao sector pesqueiro propiamente dito; senón tamén a todos os sectores nos que a pesca ten unha incidencia fundamental. Explican os nacionalistas que “tratándose dun sector economicamente tan relevante a súa incidencia chega a todos os sectores: desde o sector do transporte e transformación e comercialización ata o propio comercio local, xa que os ingresos xerados polo mar, revirten en terra.” Por iso, tamén están convidadas as ACIAS da comarca, as asociacións de transportadores, as transformadoras e comercializadoras e calquera persoa ou colectivo que teña interese en asistir.
Para analizar estas cuestións, os nacionalistas contarán coa presenza da candidata do BNG ao Parlamento Europeo, Ana Miranda; co deputado de pesca do BNG, Daniel Rodas e co Portavoz Nacional da fronte, o economista Xavier Vence.
O portavoz municipal do BNG en Burela, explicou que “non se trata só de valorar o que supón este sector nos concellos pesqueiros ou na comarca, senón de analizar por onde pasa o seu futuro e por reclamar que sexa tido en conta á hora de deseñar as políticas e priorizar as inversións.” Como exemplo, Pillado sinalou que o peixe dos portos de Burela e Celeiro segue saíndo polas mesmas vías de comunicación de hai 30 anos. Dous dos puntos de xeración de economía e emprego máis importantes da comarca seguen illados, despois de que os gobernos galego e estatal incumpran reiteradamente as súas promesas no relativo, por exemplo, ao corredor Barreiros-San Cibrao e á súa continuación ata Ferrol por parte da Xunta.”
Os nacionalistas afirman que “a pesca é parte fundamental da nosa vida, da nosa comarca, polo que a súa defensa fronte ás políticas europeas e estatal que a discriminan continuamente é unha obriga para os representantes que se dignen de calificarse como galegos. O sector pesqueiro galego ten a suficiente entidade como para que nas negociacións das políticas sexa tido en conta e non ninguneado, como veñen de facer o goberno español e os representantes do goberno da Xunta co reparto das cotas do cerco”, conclúen desde o BNG.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
