O Burela FS Pescados Rubén B segue intratable no seu camiño cara ao cumio de Terceira División. O sábado, Vista Alegre rendeulle a súa sétima vitoria consecutiva na visita do Ribeira FS por un contundente 7-3. Ás catro dianas de Manu sumouse o acerto goleador de Xoel, Keko e Pancho.
Estes tres puntos outórganlle o cumio provisional ao cadro laranxa, en triplo empate con Leis Pontevedra e A Estrada FS (44 puntos), á espera do que poida acontecer cos partidos aprazados do Pazos de Borbén FS (42 puntos) da xornada 15 e do Santiago Futsal (43 puntos) da xornada 22.
Comezaron os de Iván Cao, ‘Lucas’, demostrando a súa autoridade. Xa no minuto 2 adiantou Manu aos locais, vantaxe transformada en 3-0 no 12. Os fonsagradinos, con escaso perigo ata o momento, conseguiron reducir a un minuto para o descanso, con Kike.
No segundo período, os burelistas non atoparon de novo a portería rival ata o ecuador, co 4-1 de Pancho. Os visitantes optaron polo xogo de cinco para neutralizar o envite laranxa sen éxito. Manu subiu o 5-1 no 32 e pouco despois aumentou ata o 7-1, con dous dobres penaltis, deixando practicamente sentenciado o encontro. Ata a recta final non puideron os de Ribeira atopar fendas nas filas locais; Silbán anotou o 7-2 no 37, de penalti, e Ismael completou o definitivo 7-3 no 39, nunha xogada de cinco para catro.
Ficha técnica
Burela FS Pescados Rubén B: Brais, Keko, Antón González e Alemán, no cinco inicial; tamén xogaron Hélder, Pancho, Aitor, Xoel e Javi
Ribeira FS: Daniel, Ismael, Lobeiras, Kike e Javier, no cinco inicial; tamén xogaron Silbán, César, Víctor, Javie e Jorge
Goles: 1-0, minuto 2, Manu;2-0, minuto 10, Xoel; 3-0, minuto 12, Keko; 3-1, minuto 19, Kike; 4-1, minuto 30, Pancho; 5-1, minuto 32, Manu; 6-1, minuto 34, Manu; 7-1, minuto 35, Manu; 7-2, minuto 37, Silbán; 7-3, minuto 39, Ismael
Árbitros: Franco Veiga // Villanueva Blanco (Lugo).
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
