Cervo, 24 de marzo de 2014- A edil de Servizos Sociais, Pilar Armada, informa de que o Concello abre este luns, e ata o 24 de abril, o prazo de inscrición para o XXXI Día do Xubilado que se celebrará como todos os anos o 1 de maio. Esta tradicional xornada inclúe unha misa solemne no pavillón municipal da Veiga e un xantar-baile de convivencia coa orquestra Son de Vigo que se ofrecerá na praza dos Campos baixo unha carpa climatizada. Da mesma maneira, para facilitar que poidan acudir todas as persoas que o desexen, a Concellería porá en marcha, como xa é habitual, un servizo de autobuses que percorrerá as parroquias do municipio.
As persoas interesadas en participar nos actos previstos para esta data teñen que acudir á Casa do Concello ou á Casa da Cultura e entregar a fotocopia do DNI do solicitante e, de ser o caso, tamén o do cónxuxe, así como a fotocopia da cartilla de pensionista do solicitante.
Hai que ter en conta tamén que existen uns requisitos para acudir a esta celebración, como son ser pensionista polos conceptos de xubilación, invalidez ou viuvez; poder valerse por si mesmo e estar empadroado no Concello de Cervo.
Da mesma maneira, este luns comeza o Campionato de Tute e Parchís polo Día do Xubilado, no que están inscritas unhas 20 persoas en total e que se desenvolverá ata os días previos á celebración. As partidas terán lugar na Casa do Mar e os premios entregaranse no transcurso do XXXI Día do Xubilado.
Pilar Armada asegurou que “esta cita é moi importante para todos os xubilados de Cervo, que agardan a chegada deste día como unha xornada de encontro, para compartir o seu tempo cos demais, pero tamén para o Concello, xa que con el queremos ofrecer unha homenaxe aos nosos veciños”.
Da mesma maneira, a delegación de Servizos Sociais porá en marcha un programa complementario de actividades que incluirá excursións dirixidas a este mesmo colectivo. Os destinos, os detalles e os prazos de inscrición daranse a coñecer nas próximas semanas.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
