Ribadeo, 24 de marzo de 2014. O Concello inicia este luns un ciclo de nove charlas polas parroquias para previr atropelos a peóns.
O alcalde, Fernando Suárez, dixo que “nesta semana imos dar comezo a unha xeira de charlas polas parroquias sobre unha campaña de prevención dos atropelos, sobre todo para os viandantes. Facemos esta iniciativa desde o Concello en colaboración coa Dirección General de Tráfico e neste caso axudarannos axentes da Policía Local de Ribadeo, que en diferentes horarios se desprazarán aos lugares nos que se impartirán ditas charlas para que as persoas que así o queiran poidan recibir eses consellos e ao mesmo tempo faráselles entrega dun chaleco reflectante”.
O rexedor engadiu que “agora que ven a primavera e o verán moita xente, e ben feito pola súa parte, aproveitan as tardes e as noitiñas para dar paseos e facer exercicio, que sempre está ben, pero isto tamén pode provocar situacións de perigo para os viandantes. Ás veces por non estar ben identificados un vehículo pode chegar a atropelalos porque non os poida ver. De aí que se dean unha serie de recomendacións técnicas por parte da Policía Local”.
Suárez Barcia convida “a todos os veciños e veciñas que así o queiran a que se acheguen a algunha destas charlas que haberá esta semana”.
Hoxe, 24 de marzo, as charlas terán lugar na escola de Vilela, ás 19 horas; na escola de Vilaselán, ás 20 horas; na escola de Couxela, ás 21 horas; e na escola de Cedofeita, será ás 22:10 horas.
O mércores, 26 de marzo, a charla para previr atropelos terá lugar no teleclube de Vilausende a partires das 18:30 horas.
E xa o xoves, 27 de marzo, será o turno para A Devesa. Neste caso a charla celebrarase no Círculo Habanero a partires das 17:40 horas; na escola vella de Rinlo será ás 18:45 horas; na escola de Ove ás 19:30 horas; e na escola de Remourelle ás 21:30 horas.
Nas charlas participará o alcalde de Ribadeo, Fernando Suárez, e membros da Policía Local. A todos os que asistan entregaráselles un chaleco reflectante.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
