Tras a parada ligueira de dúas semanas, o Burela FS Pescados Rubén regresa á competición de Primeira RFEF coa visita á pista catalá do farol vermello, AE Vallirana. O encontro da 21ª xornada dará comezo o sábado, ás 19.00 horas, no pavillón municipal de La Palma de Cervelló.
Despois do seu paso polo Campionato Sub-21 con Galicia, a subcampioa de España Lara Balseiro amósase moi motivada para retomar a pugna definitiva polo cumio da clasificación. “Despois da derrota do Navalcarnero na última xornada, debemos aproveitar ao máximo partido a partido; para nós é unha grande oportundiade. Temos que amosar concentración plena en Vallirana para conseguir os tres puntos e se é cun resultado amplo mellor porque tamén temos que pensar no coeficiente en caso dun empate co actual primeiro clasificado” facía así as contas a xogadora viveirense, referíndose á vantaxe goleadora das madrileñas.
“A priori deberiamos ser superiores ao rival, que tan só dispón de 3 puntos na súa cuadrícula; conseguiunos na casa fronte ao Valdetires na terceira xornada (3-2), pero iso non quere dicir nada. Temos moi recente a realidade de que calquera equipo che pode arrebatar os tres puntos, así que debemos ir moi concentradas” advertía Lara.
Quico Otero tampouco poderá contar para esta cita nin con Paula nin con Maite, por lesión.
O enfrontamento do arquirrival das laranxas (52 puntos) e líder disputarase o domingo (12.00 horas). Despois do tropezo co Valdetires Ferrol FS (6-5), o Atlético de Madrid Navalcarnero (53 puntos) verase as caras con outro galego, o Cidade das Burgas, que viaxa a terras capitalinas defendendo a novena praza.
*Foto: A Caixa Escura Producións.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
