Burela, 6 de marzo de 2014. O alcalde, José Mª González Barcia, anunciou que o Concello ampliará nos vindeiros meses a marxe de colaboración cos colectivos implicados na loita contra a violencia de xénero. Este foi un dos asuntos abordados na xunta local de seguridade que se celebrou este mediodía presidida polo subdelegado do Goberno, Ramón Carballo, e polo propio rexedor.
O alcalde burelés destacou “a estreita colaboración que hai entre Garda Civil e a Policía Local e que está a dar os seus froitos desde o punto de vista da coordinación e da unificación de esforzos. Tamén quero subliñar a vinculación que ten o Concello de Burela con aspectos como a prevención e a loita contra a violencia de xénero. Somos un dos poucos Concellos que firmamos un convenio co Ministerio de Interior para o tratamento dos casos de violencia de xénero, e a verdade é que estamos bastante satisfeitos de cómo se está a desenvolver”. González Barcia indicou que “é probable que en datas próximas teñamos novidades porque a intención do equipo de goberno e da Alcaldía é seguir traballando nese tema. Somos conscientes de que as capacidades económicas son moi limitadas, pero é moi probable que ampliemos a marxe de actuación do Concello e que ampliemos a marxe de colaboración con colectivos implicados na violencia de xénero”.
O alcalde de Burela tamén subliñou “a implicación do Concello no programa Mayor-Seguridad, do Ministerio de Interior. Xa organizamos aquí en Burela charlas para informar á terceira idade e aquelas persoas que viven soas das medidas que teñen que adoptar para garantir a súa seguridade, en aspectos relativos non só á súa vivenda, senón tamén no ámbito bancario ou da privacidade en internet. Estamos moi satisfeitos da colaboración que estamos a obter da Subdelegación do Goberno e nesa liña de actuación continuaremos”.
Comité de empresa da antiga Ecesa
O alcalde mantivo tamén esta mañá un encontro no Concello co comité de empresa da antiga Ecesa. José Mª González Barcia explicou que “a reunión produciuse a petición do propio comité de empresa para tratar a situación actual pola que están a atravesar. O comité expúxonos os seus motivos e as súas preocupacións en canto á actividade da empresa e por parte da Alcaldía o que lles fixemos chegar é a disposición do alcalde e do equipo de goberno de colaborar con todas as partes implicadas para tentar buscar solucións e que a actividade empresarial non se paralice”.
E engadiu que “nos auto propuxemos, sen ter competencias e sen ter capacidade de decisión ao respecto, para servir de canle e coordinación entre as partes, tentar buscar solución e que –como dicía- a actividade empresarial non se paralice. A xuntanza foi cordial e quedamos en seguir mantendo contacto ao longo das vindeiras semanas”.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
