O Comité de Empresa celebrou este martes a súa reunión mensual na que se debatiu a notificación da empresa a dúas traballadoras de San Cibrao que serán despedidas no prazo legal que marca a lei cun prazo de 72 horas para presentar alegacións a este despido.
“Este dato, que xa foi denunciado polo CSI-F na prensa, confírmase coma un feito real aínda que había esperanzas de que nas negociacións coa empresa se encontrara unha saída non traumática, que evitara o despido. Ó final, non podemos celebrar o resultado xa que so hai unha promesa verbal de que a unha delas se lle volverá a contratar no futuro nun posible posto que quede vacante por xubilación, pero cun soldo moitísimo máis baixo que o actual”, afirman José Manuel Piñar Quesada.
“O CSI-F xa pedía na reunión do mes pasado, que se realizara unha asamblea xeral de traballadores para debater posibles solucións posto que se creaba un grave precedente nunha empresa a pesar de estar dando beneficios. Nesta postura estaba tamén a CIG, pero non se fixo cos votos de UXT, CCOO e Cuadros que non o cren necesario”, manifestan dende o CSI-F.
“O paradóxico é que as dúas compañeras que se despiden tiveron que ensinar a realizar o seu traballo a dúas traballadoras que viñan de Hungría para dende ese país realizaran o seu traballo. Iso sí, sempre lles quedaba a esperanza de que serian recolocadas noutro posto de traballo en San Cibrao, pero agora teñen a carta de despido sobre a mesa”.
“ALCOA tamén está negociando despidos con traballadores de maior idade e desta forma eliminar ditos postos de traballo sen ter que comprometerse a meter a outro máis novo por Contrato de Relevo. Todo isto é consecuencia de non obrigar á empresa a acordar o mantemento dunha plantilla mínima para San Cibrao que impida este continuo goteo á baixa nos postos de traballo”, critican.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
