Foz, 3 de marzo de 2014. O alcalde de Foz, Javier Jorge Castiñeira, destacou este luns que o desfile do Entroido celebrado o pasado sábado bateu récord de participación e congregou a numeroso público nas rúas da vila a pesar da choiva. Os actos continúan hoxe co Baile do Farolillo; mañá, martes, haberá festa infantil organizada pola asociación de amas de casa, e o venres rematarán as actividades coa Queima do Entroido.
“Dende o Concello de Foz estamos tremendamente satisfeitos polo resultado dos actos do Entroido, sobre todo o día grande, que foi o pasado sábado coa celebración da XXXIII edición do desfile de Carnaval. Quedamos verdadeiramente satisfeitos pola participación, que bateu récords a pesar das inclemencias meteorolóxicas, pero tamén da presenza de visitantes, que coparon ese día o pobo. Non só houbo moita xente no momento do desfile senón tamén antes e despois. A hostalería deu comidas e ceas e en xeral foi un día moi satisfactorio para todos: para alegría de todos os focenses e dos que nos visitaron e tamén para todos aqueles que traballaron, porque foi un día bo para comercios, bares e restaurantes de Foz”, explicou o rexedor municipal.
Javier Castiñeira agradeceu “a todos aqueles que participaron na organización dese tremendo desfile, en particular Protección Civil de Foz e de Barreiros, que mandou máis de doce efectivos, Policía Local, traballadores municipais e a todos que patrocinaron os premios deste evento: o primeiro de carrozas foi patrocinado por Acia Foz; o segundo, por Comfica; e o terceiro, pola empresa de servizos sociais San Roque; en comparsas o primeiro premio foi doado pola empresa Primera Calidad; o segundo, pola estación de servizo de Foz; o terceiro, por Activity Center; e o cuarto, por Peixería Don Mexilón. Ademais varias perruquerías colaboraron co peiteado da raíña e das damas e Retales Pura, que participou no vestido da raíña. Outros moitos colaboraron na revista do Entroido, que serve tamén para o financiamento desta festa, que é parte importante do noso pobo. Os veciños son os que fan o Entroido, involúcranse e todos sabemos que este festexo forma parte da nosa idiosincrasia e que é algo que nos identifica aquí, en Foz, e que cada ano se supera”.
Ademais o alcalde deu o parabén “a todos os participantes, aos que levaron premios e aos que non os lograron, porque houbo moita creatividade e ilusión. Polo tanto síntome tremendamente orgulloso de cómo están transcorrendo os Carnavais de Foz”.
Castiñeira rematou lembrando que o Entroido focense “aínda non rematou, pois hoxe temos o Baile do Farolillo a partir das once da noite; mañá, martes, haberá festa infantil ás cinco da tarde organizado pola asociación de amas de amas; e o final destes actos será o venres, cando teremos a Queima do Entroido, como todos os anos. Por iso invito a todo o mundo a seguir gozando do Carnaval de Foz e a seguir facéndoo con moita ilusión e creatividade, polo que están sendo uns grandísimos festexos”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
