Foz, 6 de marzo de 2014. O goberno municipal de Foz amosou este xoves a súa sorpresa polas declaracións do deputado autonómico socialista focense José Ramón Val nas que criticou ao ente autonómico Portos de Galicia por facer investimentos no concello. O alcalde, Javier Jorge Castiñeira, lembrou que as obras realizadas no porto foron demandadas polo sector pesqueiro e náutico da vila e polo propio Val.
“Estamos abraiados polas declaracións do parlamentario do Partido Socialista señor Val en contra de que en Foz se fixeran investimentos por cerca de un millón de euros nestes dous últimos anos por parte de Portos de Galicia. Parécenos incoherente que sabendo que Foz foi nestes últimos anos un dos sitios onde máis investimentos fixo Portos de Galicia aínda así un deputado que representa á Mariña e a Foz se queixe de que se fixeran esas obras. Parécenos verdadeiramente paradigmático e entendo que pode deberse a celos por non telo feito eles no momento en que estiveron gobernando o Concello de Foz durante 16 anos. Parécenos ilóxico que unha persoa que está gañando un soldo de todos os galegos se queixe porque se fagan investimentos e sobre todo despois de estar dous anos seguidos pedindo o dragado e outras obras”, manifestou este xoves o rexedor municipal focense, quen lembrou que esas actuacións foron demandadas polo sector pesqueiro e da náutica recreativa da vila a través da confraría de pescadores e do Club Náutico.
Javier Castiñeira explicou que se fixeron dous dragados “e evidentemente fan falta máis porque non está totalmente dragado o porto de Foz, faltan as dúas dársenas, pero o que non podemos queixarnos do que hai feito. Parécenos incoherente por parte deste señor que anda desaparecido da vida política local, o que é normal porque por onde pasa non medra a herba, que trate de xustificar o seu soldo arremetendo contra o seu propio concello; parécenos bastante vergonzoso”.
O alcalde agradece a Portos de Galicia “os seus investimentos durante estes dous últimos anos e seguimos confiando neles para que esa actuación importante, que é a reorganización da zona portuaria siga adiante. Non queda nada máis que aprobar agora o plan especial de usos do porto, que vai ir ao pleno do Concello de Foz. Espero que o Partido Socialista non se negue a darlle para diante a ese plan porque entón xa sería a incoherencia máxima. Doulle un consello ao señor Val: que traballe, que trate de andar pola rúa, que busque motivos para gañarse ese soldo porque realmente non o está merecendo”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
