O próximo 8 de marzo, Día Internacional das Mulleres, o Observatorio celebrará o seu sexto aniversario de andaina feminista na Mariña de Lugo. Nestes seis anos de traballo, leváronse a cabo numerosas actividades nas distintas localidades mariñás, sempre pensadas en prol da igualdade. Charlas-café desde un punto de vista de xénero sobre temas de actualidade, presentacións de libros das nosas escritoras, video-forums para coñecer a situación das mulleres doutras culturas e para visibilizar o traballo das directoras de cinema, campañas e proxectos cos IES mariñás para previr a violencia de xénero no alumnado de secundaria, a edición do xogo coeducativo Trivial Feminista, o concerto Músicas e letras en feminino, diversas campañas informativas e de visibilización das mulleres galegas nos diferentes eidos culturais, denuncias públicas, etc.
Para conmemorar o Día Internacional das Mulleres e o aniversario da asociación, o Observatorio ten preparado un feixe de actividades informativas, formativas e reivindicativas durante todo o mes de marzo:
– Sábado 8 de marzo: ás 11.00h, participación no acto que desde a area de Igualdade, Benestar e Deporte, da Vicepresidencia Primeira da Deputación de Lugo, terá lugar na Sala de Exposicións do Pazo de San Marcos en Lugo. En dito acto, procederase á lectura dun manifesto reivindicativo elaborado por distintas asociacións da provincia de Lugo e haberá unha pequena actuación musical.
Así mesmo, ás 20.00h na Casa da Cultura de San Cibrao, participaremos nun foro sobre os dereitos humanos organizado pola Asociación Cultural Os Aventados de San Cibrao.
– Domingo 9 de marzo: despois de adicar o mes de febreiro a actividades informativas sobre o aborto (o videoforum O aborto, unha cuestión de liberdade e a charla-café con Lola Ferreiro sobre os dereitos sexuais e reprodutivos), o Observatorio acudirá, como asociación integrada na Plataforma Galega polo Dereito ao Aborto, á Manifestación Nacional polos dereitos sexuais e reprodutivos das mulleres, convocada por dita plataforma, que sairá ás 12h da Estación de Tren de Compostela e que percorrerá as rúas de Compostela até a Praza da Quintana.
– Venres 21 de marzo: retomando o ciclo de charlas informativas, o venres 21 de marzo terá lugar, ás 20.00h na Casa das Letras de Ribadeo, unha charla informativa sobre a custodia compartida coa avogada Victoria Carbajal Fernández, do colectivo asturiano Abogadas por la Igualdad, co obxectivo de clarificar que é iso da custodia compartida, cal é a lexislación actual e cal é a realidade nos casos de custodia compartida imposta.
– Última semana de marzo: aínda que está por confirmar o día exacto, a última semana de marzo dará comezo en Ribadeo un curso de fotografía dixital para mulleres, de 20h de duración, que será impartido por Ánxela Rodríguez García. Como en anteriores edicións dos cursos de fotografía dixital, que xa tiveron lugar en localidades como Burela, Barreiros ou Mondoñedo, o obxectivo é achegar ás mulleres ás novas tecnoloxías e visibilizar ás súas olladas, así como dar a coñecer o traballo de prestixiosas fotógrafas moitas veces silenciadas. En canto estean pechadas as datas e o horario, darase toda a información e procederase á apertura do prazo de inscrición para as mulleres interesadas.
En definitiva, desde o Observatorio plantexamos, para conmemorar o Día Internacional das Mulleres e o aniversario da asociación, un mes de marzo con oferta de actividades informativas ou formativas, mais tamén facemos do 8 de marzo unha data reivindicativa polos dereitos das mulleres que aínda quedan por conseguir ou que se perden, e por iso animamos a toda A Mariña a sumarse á Manifestación Nacional do día 9 en Compostela.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
