Lugo, 13 de marzo de 2014. O vicepresidente da Deputación de Lugo, o nacionalista Antonio Veiga, mailo delegado de Cultura e Turismo da institución provincial, o nacionalista Mario Outeiro, presentaron este xoves as bases do programa de teatro amador que vén impulsando a área de Cultura desde fai seis anos, o proxecto Buxiganga, para este 2014.
Segundo explicou Mario Outeiro, “as bases son practicamente iguais que as do ano pasado, coa única diferenza de que se establecen catro baremos para os cachés das compañías en vez dos tres existentes até a actualidade, en función do número de actrices e actores das compañías. Pensamos que desta maneira se axusta mellor á realidade do noso teatro amador”.
Así, establécese un caché de 300 euros por función para os grupos de entre 2 e 5 actrices e actores; de 500 euros para as compañías de entre 6 e 8 persoas; de 750 euros para os grupos nos que actúan entre 9 e 12 persoas; e de 850 euros para os colectivos de 13 ou máis membros. Dese caché, a Deputación subvenciona o 80%, mentres que os concellos ou asociacións que solicitan a función, terán que facerse cargo do 20% restante.
Desde que o proxecto Buxiganga comezara a súa andaina no ano 2009, observouse que o número de colectivos teatrais na provincia vai en aumento. Nestes anos pasouse dos 12 grupos iniciais aos 30 que houbo o ano pasado, un claro indicador de que nesta edición é probable que continúen a sumarse novas agrupacións por todas as comarcas. “Podemos afirmar sen dúbidas que Buxiganga funciona como alicerce para a creación de grupos de teatro na provincia”, precisou Outeiro.
Asemade, o delegado de cultura quixo destacar o éxito a nivel de público que rexistran as representacións de Buxiganga subscribindo as palabras de Peter Brook no libro O espazo baleiro “para que exista teatro ten que haber alguén ollando o que acontece dende fóra, ese é o público e sen el non hai teatro”. Neste sentido, Outeiro informou de que “nas derradeiras edicións do programa apreciouse que o número de espectadores cada día ía aumentando, en total o ano pasado barállase un número aproximado de 7000 espectadores nas 80 funcións do programa. Un total de 7000 espectadores repartidos por todas as comarcas”.
As bases para esta nova edición de Buxiganga serán aprobadas mañá venres na Xunta de Goberno da Deputación de Lugo e proximamente serán publicadas no BOP. A partir da súa publicación tanto as compañías amadoras de teatro así como as asociacións e os concellos terán aberto o prazo de inscrición no Buxiganga, tendo un total de 15 días hábiles para formalizar a súa inscrición.
Unha vez inscritos e rematado ese período, abrirase outro prazo no que as asociacións e os concellos terán que poñerse en contacto cos grupos de teatro para solicitar as súas pezas teatrais e fixar un calendario de actuacións, que posteriormente será aprobado. Previsiblemente establecerase un calendario, con dúas quendas de actuacións: a primeira, do 26 de abril ao 20 de xullo, e a segunda do 6 de setembro ao 23 de novembro.
Neste sentido, Antonio Veiga animou “a todos os concellos e asociacións a que se inscriban no programa. Non pode ser que haxa concellos que unicamente tendo que pagar o 20 % das funcións, cantidade que como moito poden ser 170 €, queden sen teatro” e respecto ás asociacións lembrou que “calquera asociación cultural pode solicitar o programa, para deste xeito beneficiar aos seus veciños e veciñas da festa que é Buxiganga alá onde vaia. O único requisito é ter un espazo máis ou menos axeitado para a representación, e incluso de non ser así podemos buscar alternativas. Máis doado non pode ser. Buxiganga arrinca motores”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
