CERVO, 12 DE MARZO. As últimas noticias sobre Sargadelos anunciaron que a empresa desembocaba en suspensión de pagos. Os socialistas de Cervo entenden que “esta non debe ser a última solución. Pedímoslle ó alcalde, Alfonso Villares, que inste con urxencia á Xunta de Galicia a establecer un plan de actuación para cooperar na busca doutras saídas á situación económica pola que están atravesando”.
A empresa Sargadelos é un auténtico símbolo económico e cultural, non só de Cervo senón de toda Galicia, “non queremos que o noso rexedor se esqueza disto, as súas palabras parecen transmitir que acepta esta decisión. Non se pode rendir agora, ten a obrigación de seguir loitando para lograr a viabilidade desta empresa, polo que supón para Cervo e os seus traballadores”.
Na mesma liña, dende o Grupo Socialista lembran que “a Xunta de Galicia chegou a acudir en rescate do grupo cun préstamo participativo convertible en accións de 600.000 euros. Non pode mirar agora para outro lado, ten a responsabilidade de defender o diñeiro invertido, velar polos seus propios intereses como parte da empresa e apostar por unha fábrica emblemática que desenvolveu unha grande labor en favor de toda a cultura galega”.
Rematan insistindo en que dende o Concello de Cervo, “agradeceríamos que o señor Villares lle transmitise ós seus compañeiros da Xunta de Galicia que, como inversora na empresa, negocie cos debedores co único fin de conservar e manter a actividade industrial. Cremos que sería a forma de obter beneficios económicos das inversións xa realizadas e poder seguir adiante”.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
