Hai dez anos que xurdeu a Asociación Deportiva de Sendeirismo Pasada das Cabras de Burela sendo a primeira ruta, a da inauguración, do Acevo á Fonsagrada de 12 quilómetros. Participaran nela cincuenta sendeiristas que coinciden cos primeiros cincuenta socios que tivo a asociación.
Os socios fundadores poden amosar a súa satisfacción por “apoiar un proxecto deportivo que é válido para todos os públicos e que, entre outras cousas, integra actividade deportiva, natureza, etnografía, medio ambiente, historia, botánica, turismo, socioloxía, paisaxe, monumentos, lugares, pobos, cidades, gastronomía e solidariedade”.
“En dez anos percorremos máis de tres mil quilómetros por sendeiros de Asturias, León, Cantabria e das catro provincias Galegas. Con base en Burela establecemos contacto e relacións con todas as asociacións de sendeiristas da Mariña e compartimos e participamos xuntos en moitas rutas das existentes na Comarca como, por exemplo, a do Monte Castelo de Burela que concentra socios de afiliación asturiana e de toda a provincia lucense. Tamén podemos presumir de ser coñecidos internacionalmente xa que en moitas rutas contábamos con representantes estranxeiros que estaban convivindo na nosa localidade por intercambios profesionais ou de estudio”.
“A ruta realizada este pasado sábado, día 8, entre Bustelo (Asturias) e Paradanova (Fonsagrada) elixímola pensando no décimo aniversario da asociación, para revivir a primeira experiencia, pero tamén foi elixida para poñer en valor o Camiño Primitivo, xa que nese tramo é un monumento natural digno de ser experimentado. Ese día amañeceu con todos os compoñentes posibles en positivo. Cada paso que dábamos estaba conformado por unha paisaxe colocada adrede para que gozáramos de unha beleza constante. Andar así non é andar, é deixarse ir. Ese día vimos moitas postais formadas por montañas nevadas, vales con néboa intensa que parecía mar en calma, aves cantando, regos e fontes de auga pura e sorrisos nos camiñantes”, recordan os camiñantes.
O sendeirismo ten estas cousas que motivan a vivir e a compartir esa vida, sentirse parte da natureza e comprometerse con ela, facer deporte mentres se len enciclopedias multitemáticas e coñecer xentes e lugares. “Pasada das Cabras cumpre dez anos pero todos sabemos que isto non é nada comparado co que lle queda. Animámonos?”, conclúen dende a asociación.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
