SANTIAGO. A Xunta de Portavoces, na súa reunión desta mañá, acordou mostrar o rexeitamento da Fegamp á supresión dos partidos xudiciais na súa formulación inicial e a xustiza de proximidade, tal e como se traduce do anteproxecto de lei aprobado o pasado venres en Consello de Ministros. Segundo manifestaron o presidente e o tres vicepresidentes da Federación, a posible centralización de servizos nas capitais de provincia pode dificultar o acceso á xustiza de moitos galegos.
“Queremos manifestar a nosa oposición a esta medida exposta polo Goberno”, anunciou José Manuel Rey Varela, “e trasladar aos alcaldes e alcaldesas que estamos á beira das súas reivindicacións para manter unha xustiza de proximidade que sexa igual para todos, con independencia de onde vivan”.
Para o presidente da Fegamp e alcalde de Ferrol, “cando falamos de que as especificidades de Galicia determinan a prestación de servizos, tamén temos que referirnos á xustiza”, e de novo nesta cuestión “os alcaldes e alcaldesas estamos ao lado dos nosos veciños, sen importar a cor política”.
“Do mesmo xeito que fixemos coa reforma local, que seguimos crendo que non recoñece as singularidades de Galicia, facemos agora cunha reforma xudicial negativa non xa para os concellos, senón para os nosos cidadáns”, engadiu Rey Varela.
O acceso á xustiza é un dereito constitucional “que cremos que se pode ver mermado se finalmente centralízanse os xulgados nas capitais de provincia”, e por tanto “non podemos de ningunha maneira aceptalo”.
Por tanto, a Fegamp expresa a súa adhesión non só aos alcaldes e alcaldesas de Galicia que protestaron por esta reforma, senón tamén aos colectivos profesionais do ámbito da xustiza que se situaron nesta liña. “Alívianos saber que a Xunta demanda cambios nesta reforma na dirección dunha atención concreta ás necesidades de Galicia”, apostilou Rey Varela.
Ordenanzas marco
Na Xunta de Portavoces tamén se presentaron dous textos elaborados pola Fegamp e destinados á actividade municipal. Trátase de dúas ordenanzas marco, unha para as licenzas exprés de actividades, servizos e urbanismo, e outra para a xestión da biomasa no ámbito local.
A primeira das ordenanzas derívase da entrada en vigor da Lei 9/2013 de de 19 de decembro, do emprendemento e dá competitividade económica de Galicia, que á súa vez ampliaba os supostos legais de inexixibilidade da comunicación previa que prevé o artigo 4.1 da Lei 12/2012 de 26 de decembro de medidas urxentes de liberalización do comercio e de determinados servizos.
A Fegamp porá a disposición dos seus asociados un texto de ordenanza marco que cada concello poderá adaptar ás súas necesidades, así como os formularios de comunicación previa adaptados á lei galega en relación ás actividades, apertura e funcionamento sometidos a este réxime legal e os modelos de solicitude de licenza para os sometidos a licenza previa.
A segunda das ordenanzas marco redactadas busca regular a limpeza de terreos e, non ámbeto dá competencias locais, a distancia dás plantacions e a xestión dá biomasa forestal, co obxeto de conseguir as axeitadas condicións de salubridade e de previr e evitar vos incendios forestais. Este texto é un desenvolvemento municipal da Lei 7/2012, de 28 de xuño, de Montes de Galicia.
Ambas as ordenanzas irán acompañadas de senllos informes elaborados polos servizos xurídicos da Federación.
Por último, a Xunta de Portavoces acordou a celebración o próximo 23 de abril do Consello Federal da Fegamp para a aprobación do Orzamento para o exercicio 2014.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
