Lugo, 10 de abril de 2014. A Vicepresidencia da Deputación de Lugo a través da área de Benestar Social, oferta, un ano máis, un programa de actividade física moderada dirixido a colectivos de distinta índole afincados en concellos do rural lucense, o que en anteriores edicións se desenvolveu baixo o nome de Todos a xogar ou Tempos. Un servizo co que, segundo explicou Veiga, “cubrimos unha demanda existente por parte das asociacións dos concellos da provincia: achegar a todas as parroquias do rural servizos dos que unha persoa que vive na cidade ou nunha vila grande dispón”.
O programa de deporte no ámbito rural que desenvolve a institución provincial está dirixido a colectivos culturais, veciñais, de mulleres pertencentes a concellos de menos de 5.000 habitantes, e especialmente a aquelas asociacións que traballan con persoas con capacidades diferentes ou en risco de exclusión social, co gallo de mellorar as súas capacidades motrices e cognitivas e fomentar as relacións sociais. No caso destas últimas, que terán prioridade se a demanda excedese a oferta da Deputación, poderán optar a este servizo independentemente do número habitantes do concello ao que pertenzan.
Como en anos anteriores, este servizo dará cobertura como mínimo a 90 asociacións de toda a provincia, ás que levarán 11.600 horas de actividade física moderada, que se repartirán en varios períodos de tempo: do 1 de maio ao 15 de xuño, e do 15 de setembro ao 21 de decembro, en 2014, para os que se destina un orzamento de 90.720 euros; e do 12 de xaneiro ao 14 de xuño de 2015, para o que se dispón dunha partida de 95.040 euros.
Para Veiga “a posta en marcha deste servizo é a expresión das principais liñas de traballo da Vicepresidencia da Deputación durante estes últimos anos, nos que tentamos que todo o noso traballo vaia dirixido a mellorar o benestar dos colectivos en risco de exclusión, para os que outras administracións, nomeadamente a Xunta de Galiza, seguen a reducir o seu apoio económico”.
“Nós cremos – continuou o vicepresidente- que a provincia de Lugo ten que ter un trato discriminatorio favorable para compensar as desvantaxes que sofre fronte a outras partes do país. Neste traballo está a Deputación batallando en solitario fronte á incompetencia e esquecemento ao que nos ten sometidos o goberno de Núñez Feijóo, que lle afasta cada vez máis os servizos á zona rural”.
Todos os cursos estarán impartidos por persoas expertas na materia, profesionais entre os que haberá como mínimo un traballador social, un psicólogo e un educador social. Os monitores que impartan a propia actividade física contarán como mínimo bacharelato ou o grao superior en animación de actividades físicas e deportivas. Asemade, todas as persoas contratadas para este servizo disporán do Celga 4 ou equivalente, proba do compromiso da Vicepresidencia da Deputación coa lingua galega.
Os colectivos que desexen participar neste programa poderán presentar as súas solicitudes a partires do vindeiro luns, 14 de abril, no enderezo electrónico: deporte@deputacionlugo.org, coa intención de que o programa poida comezar a desenvolverse con normalidade a partires do 1 de maio do presente ano.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
