Ribadeo, 29 de abril de 2014. A asociación Amadores da Música puxo en marcha este martes unha campaña que incentiva con premios aos músicos da banda municipal de Ribadeo. Un dos obxectivos é que se integre xente nova e que volvan á formación algúns que xa estiveron nela.
A xunta directiva de Amadores da Música explicou que con esta iniciativa “trátase de incentivar aos músicos da banda, aos que xa están nela e aos que no seu día estiveron e a ver se lles apetece volver. É unha campaña baseada en regalos, que van ter que conseguir os músicos asistindo, por suposto, a todos os ensaios e aos concertos. Con iso van sumando puntos e no momento que teñan suficientes para conseguir o regalo que eles queren daráselles ese premio. Isto tamén da lugar a que a aqueles músicos que por algún motivo incumpren esa norma restarémoslles puntos”.
O presidente da asociación, José Luis Pulpeiro, comentou que “agora estamos nun momento que, sobre todo os rapaces e as rapazas, están nunha situación un pouco atípica, porque hai xente na escola de música de Ribadeo que está preparada para entrar na banda pero non dan o salto. A ver se a través desta e doutras iniciativas que poidan xurdir son capaces de dar ese salto, porque eu penso que é interesante para todos, empezando por eles. Aínda que agora mesmo igual non se dean conta iso vai ser beneficioso para eles na vida. A ver se así somos capaces de chámalos, dalgunha maneira, para que entren na banda e se comprometan, pois nosoutros tamén nos comprometemos con eles”.
Para a directiva de Amadores da Música “na banda, como noutras actividades, hai ciclos. Agora mesmo estamos nun no que non temos practicamente canteira para poder entrar na banda. Quizais agora esteamos un par de anos un pouco apertados, pero o que estamos intentando é que nenos que están estudando música agora vaian coa idea de que van entrar na banda, porque lles vamos dar regalos ou porque lles gusta tocar. O ideal é que vaian á banda porque lles gusta tocar, iso por suposto, pero hai que recoñecer que un cativo ou unha cativa que ten que sacrificarse todos os venres para ir aos ensaios e despois asistir aos concertos ten que facelo porque lle gusta. Iso require un compromiso e dalgunha maneira hai que premialo”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
