Lugo, 29 de abril de 2014.- O Grupo Provincial do Partido Popular logra que, durante a sesión plenaria celebrada este martes, o Pleno da Corporación da Deputación Provincial aprobase unha proposta dacordo conxunta coa que se busca enriquecer o contido do actual anteproxecto da Lei Orgánica do Poder Xudicial.
Os populares, que non entendían que nunha mesma sesión plenaria se debatesen por separado dúas propostas sobre o mesmo tema e cunha orientación común; avogou por promover un consenso con socialistas e nacionalista e chegar a unha proposta que lonxe de tintes políticos busca “defender os intereses da provincia, xa que os lucenses pídennos que en asuntos importantes fagamos forza unidos”.
Lonxe de liortas políticas, os populares apostaron por un achegamento co presidente provincial, para chegar a un consenso e partindo da base de que a reforma da Xustiza é necesaria, -xa fora exposta a súa necesidade polo anterior ministro Caamaño- pero atendendo sempre aos intereses da provincia.
A necesidade de que a reforma xudicial teña en conta as demandas dos lucenses e garanta os seus dereitos; levou ao GPP a adiantarse ao equipo de goberno no rexistro dunha moción na que reivindicaba que se mantivera a actividade xudicial en todas as sedes existentes na provincia; e agora, a maiores, promoveu un acordo conxunto que se traslade a Madrid para enriquecer o actual texto.
Mantemento da actividade nas nove sedes lucenses
O acordo da Deputación Provincial de Lugo sobre o anteproxecto da Lei Orgánica do Poder Xudicial reincide nun dos seus puntos na necesidade de que se garanta o mantemento da actividade xudicial nas nove sedes existentes na provincia (Mondoñedo, Chantada, Lugo, Vilalba, Monforte de Lemos, Viveiro, Sarria, Fonsagrada e Becerreá).
Os populares son conscientes das demandas dos veciños e das repercusión económica que implica a existencia e continuidade das sedes xudiciais onde radican, polo que que procuraron a inclusión deste punto na proposta dacordo tal e como recollía a moción popular e deste xeito trasladala ao Goberno central, co obxecto de contribuír a enriquecer o contido deste anteproxecto que, neste momento, atópase nunha fase complemente inicial, aberto a melloras.
Propostas do sector
Os populares ademais de insistir no mantemento da actividades nas sedes xudiciais, tamén reinvindicaron que no trámite parlamentario este Anteproxecto se converta nunha reforma que recolla as propostas do sector. De feito, no acordo aprobado hoxe na Deputación de Lugo inclúese que se acometa unha racionalización da xustiza elaborada de forma consensuada cos profesionais, organizacións e colectivos sociais de ámbito xurídico.
Na defensa da tutela xudicial efectiva dos cidadáns
O envecellecemento da poboación, a dispersión xeográfica e outros condicionantes orográficos son aspectos obxectivos que “se deben ter en conta nesta reforma e deben ser, polo tanto, motivacións para a mellora deste proxecto, que está na súa fase inicial”.
“É indudable que a Xustiza necesita dunha reforma, e non só o di o actual ministro, tamén o dixo o anterior, Caamaño, que no seu plan para a Modernización da Xustiza 2009-2012 contemplaba a modificación do ámbito territorial dos partidos xudiciais a través da concentración dos recursos persoais e materiais para o seu mellor aproveitamento”; matizaron os populares.
Porén, dende o GPP defenden que o texto final teña o máximo consenso posible e de aí manifestou hoxe a necesidade de coordinar unha proposta conxunta que defendera os intereses dos lucenses.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
