Lugo, 12 de abril de 2014.- O presidente do PP na provincia de Lugo e portavoz do Grupo Popular no Senado, Xosé Manuel Barreiro, salientou este sábado, durante a súa intervención na clausura da convención que o Partido Popular de Lugo celebrou este sábado, e na que participaron arredor de mil persoas, que nas próximas eleccións “non podemos volver atrás, nin tampouco confiar naqueles que puxeron ao país ao borde da quebra”.
Barreiro dixo que estas eleccións “son fundamentais” para a nosa provincia e por iso os populares lucenses “traballaremos con intensidade, iremos a todos os concellos e explicaremos, como fixemos hoxe, cal é o papel de Europa, o papel que España quere xogar en Europa, e o que Europa debe xogar con respecto a España”. Neste senso, o dirixente popular amosouse convencido de que “vamos a gañar estas eleccións e vamos seguir tendo a fortaleza que España necesita e merece no conxunto de Europa”.
Barreiro explicou que o día a día de cada cidadán vese influenciado polas decisións que se toman en Europa e por iso insistiu en que é “fundamental” que apostemos por un partido que garanta “fortaleza e capacidade de influencia nese tipo de decisións”. O presidente dos populares lucenses indicou que “o único partido que pode garantir esa capacidade de influencia é o Partido Popular. Demostrouno día a día en Galicia e a nivel nacional e polas políticas promovidas por este partido fomos quen de recuperar a confianza en Europa”
RELATORIOS
A convención provincial desenvolveuse a través de catro relatorios nos que participaron destacados dirixentes da formación política en Galicia. A intervención inicial correspondeu ao secretario xeral dos populares lucenses, José Manuel Balseiro, quen explicou a metodoloxía a través da que se ía desenvolver a convención e deu paso aos ponentes.
O primeiro en facelo foi o deputado autonómico e experto en asuntos europeos Daniel Varela Suanzes-Carpegna. O popular destacou a importancia de formar parte dun grupo parlamentario forte “para multiplicar o efecto do que se pode facer en Europa”. “Os nacionalistas están moi mal vistos en Europa e para conseguir cousas hai que ser fortes”, reincidiu.
O portavoz do Grupo Parlamentario Popular, Pedro Puy Fraga, centrou o seu relatorio no programa electoral e sinalou que este “está construído en base a pequenos impulsos de solidariedade, traducidos no apoio aos sectores produtivos galegos para adaptarse ao novo entorno económico, agrícola, gandeiro, da pesca, educación e ás políticas de xeración de emprego”.
Precisamente, este último aspecto foi unha das ideas fundamentais do relatorio que correu a cargo da Conselleira de Traballo e Benestar, Beatriz Mato, quen se centrou “en tres preocupacións compartidas por Europa e Galicia: o desemprego xuvenil, a inclusión social e a demografía”. Entre os datos referenciados por Mato, destaca a iniciativa de Emprego Xuvenil posta en marcha pola U.E. con máis de 6.000 millóns de euros de orzamento para os distintos países da U.E., e que, en consonancia con Europa, está a ser complementada polo Goberno da Xunta de Galicia a través do Plan de Emprego Xuvenil que prevé, entre as outras novidades, “a atención preferente para os menores de 25 anos que nin estudan, nin traballan (NINIS)”.
Por último, a conselleira do Medio Rural e do Mar, Rosa Quintana, analizou a influencia que no sector primario lucense terán as recentes reformas da PAC (Política Agraria Común) e da PCP (Política Común de Pesca). Asegurou que os datos referendan os resultados económicos e normativos positivos que obtivemos na reforma da PAC. A conselleira referiuse ao mantemento no nivel de investimentos, -con 2.380 millóns de euros nos próximos sete anos-, ou a medidas tales como as axudas directas ligadas a agricultores activos que se establecen por primeira vez na historia. Do mesmo xeito, Rosa Quintana subliñou a importancia directa das decisións que toma a UE a través da PCP que, no seu contido, incorpora importantes propostas galegas. Entre os aspectos fundamentais, Rosa Quintana referiuse ao plan de acción que para a flota de pesca artesanal, -en Galicia o 87% corresponde a este segmento-.
A restrición de circulación manterase durante a xornada mentres se desenvolvan os labores, que teñen como obxectivo garantir a seguridade viaria e facilitar a execución dos traballos. Durante este tempo, as persoas que necesiten acceder ás zonas de Santo Albites, Pénjamo ou San Lázaro deberán facelo polo acceso de Río dos Foles. O Concello de Viveiro agradece a comprensión da veciñanza e recomenda extremar a precaución e seguir a sinalización habilitada mentres duren os traballos.
Félix Jorquera pasará polos micrófonos de RadioVoz ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
Comezou o mércores ás 13,35 horas e para a súa extinción mobilizáronse, ata o de agora, 2 técnicos, 10 axentes, 20 brigadas, 17 motobombas, 3 pas, 3 helicópteros e 2 avións. 
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
