Lourenzá, 8 de abril de 2014. O Concello de Lourenzá empezou as obras para mellorar estradas municipais nas catro parroquias do concello cun investimento total de 104.800 euros. Unha das actuacións que se executará é o arranxo do acceso a Condemiña.
A alcaldesa, Emma Álvarez Chao, explicou hoxe que “xa hai dúas semanas que iniciamos as obras de mellora en distintos viais do concello de Lourenzá por un importe de 104.825 euros. Estes investimentos vanse facer con cargo a fondos do Concello, tamén do POS 2013-2014 e do plan Marco. Estas obras estiveron paradas ata o día de onte pola choiva dos últimos días, motivo polo cal se retrasaron no tempo xa que a nosa intención era ter feito parte delas dende finais do ano pasado”.
A rexedora engadiu que as obras que se están executando hoxe “son concretamente as da pista da Pateira, en San Adriano, pero xa están feitas outras como o acceso ao campo da festa en San Xorxe ou tamén unha ampliación do vial de acceso dende un camiño municipal no lugar do Foro á estrada da Deputación LU-2802”.
A raíz das críticas realizadas nas últimas horas polo PSOE, Emma Álvarez aclarou que “faranse obras de mellora en distintos viais das catro parroquias do concello e concretamente unha das estradas que está previsto arranxar é o acceso a Condemiña, que se fará con cargo a estas subvencións. Son traballos que a propia portavoz municipal do Partido Socialista sabe que están a piques de facerse xa que foron aprobados os seus proxectos na xunta de goberno local e tamén a adxudicación das obras, a non ser que á portavoz socialista non lle importe nin o Concello nin os seus veciños e non se molestara nin en ler as actas das comisións de goberno, que lle son entregadas en man no seu propio domicilio. Ao grupo de goberno municipal sorpréndenos que soamente se acorde do vial de Condemiña, pero se esqueza doutros moitos que hai no concello, posto que 104.825 euros son os que están pendentes de investir e soamente se acorda dun vial concreto”.
A alcaldesa considera que “as próximas eleccións fan espertar do letargo aos socialistas de Lourenzá posto que curiosamente se acordan agora, en case precampaña electoral das europeas, dunhas obras nun vial que eles mesmos saben que se van facer e bótannos a culpa a equipo de goberno de que as vamos asfaltar antes das eleccións, cando en realidade a portavoz socialista sabe perfectamente que ese vial xa está programado para executar a súa reparación. Polo tanto creo que quen ten en conta as eleccións non é o grupo de goberno senón os socialistas de Lourenzá. E neste caso quedou demostrado posto que a día de hoxe dende que eu son alcaldesa, dende o 15 de setembro de 2012, non presentaron unha soa iniciativa no Concello e sorprende que precisamente agora saian a protestar por un vial cando xa saben que se vai arranxar”.
Álvarez Chao rematou anunciando que ademais das estradas previstas tamén será arranxado o acceso ao barrio dos Carballás, obra que será executada con fondos do Concello.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
