Santiago, 08 de abril de 14. O portavoz de Pesca do Grupo Socialista, José Ramón Val, defendeu hoxe no Pleno da Cámara Autonómica unha moción pola que se instaba ao Goberno galego a rexeitar o modelo de reparto da cota de xarda e de xurelo, aplicado polo Goberno do Estado para 2014.
Val recriminou ao presidente Feijóo e á conselleira Quintana a “falta de peso respecto do Goberno de Madrid e do seu propio partido”. Acusounos de defender criterios históricos, lesivos para o sector galego. Non entende Val que ambos dirixentes, “podendo liderar un cambio de modelo, apoiasen os criterios da Secretaría Xeral do Ministerio, que non é xusto”.
O reparto, explica o deputado socialista, baséase na concesión do 50% da pesca ao País Vasco e o resto a repartir pola restante flota das outras tres comunidades do Cantábrico. A Galicia correspondéronlle 3400 Tm., o 25% da cota se sumamos o aumento de cota logo do acordo con Noruega e Illas Feroe. “Cómo cree que pode sobrevivir un barco con 10 pescadores a bordo con 8000ou10000 quilos ao ano?”, preguntou José Ramón Val.
Segundo José Ramón a posición da Xunta é inexplicable, porque Feijóo e Rosa Quintana eran e son “coñecedores de que a influencia dos criterios históricos cun peso 70%, somente favorece ao País Vasco”, pero tamén sabían que os bancos destas especies migratorias chegaban á costa cando a cota estaba rematada e non se podían pescar, “por esta razón non temos dereitos históricos”.
José Ramón Val esixiu a Feijóo e á conselleira responsabilidade diante dos intereses dos que os elixiron. Que a Xunta defenda diante do Executivo estatal un novo modelo para os anos vindeiros, onde preferentemente se teña en conta como criterio fundamental o número de tripulantes por embarcación, de xeito que a distribución da totalidade da cota asignada pola UE o noso estado se faga de xeito lineal, como se acordou para a flota de arrastre xa neste ano.
O modelo de total anual de capturas (TACs) e cotas da Unión Europea, baseado nun principio de estabilidade relativa é prexudicial para os intereses da flota galega. Val acusou ao presidente galego e á conselleira do Mar de perder a oportunidade de cambialo e de facer o contrario do que lle din ao sector. “Cando se reúnen co sector rexeitan a estabilidade relativa de Bruxelas e anuncian accións contra ela, logo impoñen un criterio semellante en Madrid para a cota da xarda”, reprochoulles o deputado socialista.
O socialista esixiu na súa moción que o Goberno rexeite estes criterios e se busque un modelo no que as posibilidades de pesca da nosa flota se adapten realmente ao estado do recurso.
O parlamentario do PSdeG solicitou tamén a revisión do pagamento da sanción por sobrepesca, con excedente de cota doutras especies ou con contrapartida económica de xeito que permita poñer a disposición do sector 7000 toneladas adicionais.
Finalmente censurou a falta de miras do PPdeG, que votou en contra da moción. “Os prexudicados non son o PSdeG ou a Oposición, son as familias afectadas, os milleiros de persoas que viñeron manifestarse, que saíron á rúa para reclamar xustiza, e aos que vostedes (o Partido Popular) responderon con prepotencia”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
