As categorías de base do CD Burela FS Pescados Rubén viviron unha emocionante final comarcal de Deporte Escolar durante a fin de semana. O Infantil A conseguiu superar as semfinais fronte á EDM Barreiros (7-1), aínda que na gran final bateu con Lourenzá-Mondoñedo (3-0), que xa desbancara o Infantil B (0-9) na fase anterior; pola súa banda, o Cadete A tamén tivo un enfrontamento rifadísimo co Pilar, que caeu do lado dos focegos pola mínima (2-3) en semifinais.
Selección Galega
Compatibilizando os compromisos ligueiros, os xogadores da base burelista tamén andan entre idas e vidas da Selección Galega. O xuvenil Hélder Gonçalves participou a fin de semana pasada no Sub-19 de España en Santa Coloma de Gramanet; o cadro irmandiño caeu en semifinais ante Murcia (6-0), subcampioa da cita, tras sucumbir a Cataluña (5-4). A punto de vivir a ilusionante experiencia do Nacional de Seleccións Autónomas están os cadetes burelistas Aarón Fernández e Mamadou Diouf, coas últimas sesións programadas para o xoves 3 e o luns 7, e o infantil Luismi Nieto, que adestrará o venres 4. A localidade cidaderrealeña de Almagro acollerá o campionato de ambas as categorías entre o 11 e o 13 de abril.
TODOS OS RESULTADOS DA FIN DE SEMANA LARANXA:
Fase final comarcal de Deporte Escolar
Burela FS Cadete A 2-3 Colexio do Pilar Cadete
ED Burela FS Infantil A 7-1 EDM Barreiros Infantil
ED Burela FS Infantil B 0-9 ED Lourenzá Mondoñedo Infantil
FINAL: ED Lourenzá Mondoñedo Infantil 3-0 ED Burela FS Infantil A
Liga Provincial Xuvenil
Burela FS 5-1 Cidade de Lugo A
Liga Autonómica Cadete
Burela FS 5-4Concello de Guitiriz
Peña Españolista Sarria 2-10 Burela FS
Liga Autonómica Infantil
Peña Españolista Sarria1 -6 ED Burela FS
Liga Prebenxamín da Mariña
EDM Cervo 5-7 ED Burela FS (Prebenxamín 1)
ED Burela FS 7-3 ACD Xove (Prebenxamín 2)
Amigables
Burela FS Infantil C 7-3 Burela FS Cadete B
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
