Dende os independentes de Alfoz presentaremos unha moción para solucionar a problemática creada polas denuncias derivadas dos desperfectos ocasionados por animais salvaxes nos cultivos agrícolas.
Parécenos lamentable que un representante público dos veciños acometa denuncias contra estes baseándose en fundamentos totalmente inxustos, mesmamente como teñen recoñecido destacados membros do seu partido na Xunta en numerosas ocasións.
O tenente alcalde Juanjo Fraga mostra mala fé e descoñecemento da lei, xa que como representante dos veciños de Alfoz debería esixirlle a Xunta o que pretende que lle paguen os cazadores.
Dende os independentes de Alfoz presentaremos unha moción para esixiralle a Xunta de Galicia que tal como contempla a lei, se faga cargo dos desperfectos que ocasionan os animais salvaxes nos cultivos agrícolas e forestais dos concellos de Alfoz e Valadouro.
(LEI 13/2013, do 23 de decembro, de caza de Galicia. artigo 62 punto 4:
A Xunta de Galicia, no exercicio das competencias que lle son propias, constituirá un Fondo de Corresponsabilidade para contribuír á prevención e á compensación dos danos que causan as especies cinexéticas nas explotacións agrarias. O devandito fondo nutrirase coas achegas económicas da Administración autonómica.)
Así evitarase tamén a desaparición da asociación de cazadores de Alfoz-Valadouro, sen a cal a presenza de xabarís e corzos será moito maior e consecuentemente tamén os desperfectos que provocan, debido ó labor control que realizan estes, realizando incluso batidas en numerosas ocasións a petición dos propios agricultores.
É realmente penoso que un dirixente do concello denuncie a unha asociación sen ánimo de lucro e sen a cal sufriría aínda máis desperfectos , máis tendo en conta que a Xunta ten recoñecida a súa responsabilidade e a creación dun fondo de compensación para cubrir os mencionados danos.
Guste ou non, a caza cumpre un papel de control da densidade de poboación de animais como os xabarís e corzos que xeran números desperfectos nos cultivos agrícolas e forestais, en numerosas ocasións son demandados polos agricultores os servizos dos cazadores para facer batidas e reducir o número destes animais en determinadas zoas, si o coto desaparece os desperfectos producidos por estes animais so irán en aumento.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
