Mondoñedo, 16 de abril de 2014.- O Partido Popular de Mondoñedo amosouse este mércores crítico con que o equipo de goberno da localidade manteña pechadas ao público durante a Semana Santa as Covas do Rei Cintolo, pese a contar con dispoñibilidade orzamentaria.
Os populares reproban que durante unha das épocas anuais de maior demanda turística, o alcalde da localidade, o nacionalista Orlando González, decidise non abrir ao público un dos principais reclamos para o municipio.
“Trátase dunha reprochable decisión froito, posiblemente, da falta de traballo e do desinterese do equipo de goberno local e que repercutirá de forma directa e moi negativa tanto na economía municipal, como na do sector hostaleiro da localidade”, lamentan.
A maiores, os populares engaden que a falta de planificación é apreciable, xa que ás persoas interesadas en visitar a cova pídeselles chamar en maio xa que, hoxe en día, nin tan sequera está prevista unha data de apertura.
Deste xeito, dende o PP aseguran non entender, o que cualifican “como unha falta de compromiso con Mondoñedo” e máis ao ter en conta que esta circunstancia no se deriva “nin da falta de financiamento, nin de axudas económicas”.
Dispoñibilidade orzamentaria
“De nada serve dispoñer de fondos económicos, e realizar inversións, se non se traballa de xeito coordinado e se non se xestionan de forma óptima os recursos”, explicaron os populares.
Os populares aseguran que cando se está a falar dunha contía económica de 77.500 euros dirixida a colaborar no financiamento das actividades enmarcadas dentro Plan de Dinamización Turística Local , dos que están fiscalizados máis de 20.000 euros; “non se pode entender que no se vexan resultados positivos”.
Axudas concretas para a cova
Os populares explican que dentro da contía da que dispón o municipio para a dinamización turística, enmárcanse tamén 29.000 euros dirixidos ao deseño do Plan Estratéxico para a cova e para persoal. Polo tanto, o peche das covas nesta época é unha mostra máis da falta de planificación do equipo de goberno que “pese a dispoñer de diñeiro, non vemos os resultados do seu investimento”.
O equipo de goberno renunciou a un proxecto para a cova
Os populares lamentan que pese as contías económicas que o actual equipo de goberno destina ao turismo, a situación “estea igual ou peor despois de oito anos de goberno bipartito”.
Dende o Partido Popular reproban que o máximo que fixo o PSOE e o BNG pola dinamización das Covas do Rei Cintolo foi “a perda imperdonable dun proxecto económico, provinte da época do PP, de gran calado e que poñería en valor o potencial turístico da cova e que o bipartito rexeitou executar”.
Os populares conclúen que “a pesar de gastar, non hai éxito na xestión de Orlando González, nin un programa ambicioso que dea resultados positivos”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
