Cervo, 12 de abril de 2014- A veciña de San Ciprián, María Martínez Paleo, foi homenaxeada este sábado pola Real Irmandade de Veteranos das Forzas Armadas e da Garda Civil por ser a socia de máis idade da provincia de Lugo. Un acto que tivo lugar na Casa da Cultura, onde esta veciña, de 99 anos, recolleu unha placa de recordo así coma un ramo de flores.
María Martínez Paleo é viúva de Marcelino González Gómez, que prestou servizo no antigo Corpo de Carabineiros que despois se integrou na Garda Civil, onde foi capitán. A veciña de San Ciprián amosouse moi emocionada e agradecida, e manifestou tamén que non agardaba este recoñecemento. Unha homenaxe que a irmandade realiza todos os anos ao socio máis veterano da provincia para celebrar a festividade do seu patrón, San Hermenexildo, o 13 de abril.
Para iso achegáronse ata San Ciprián o presidente provincial da entidade, o coronel José Rifón Cabarcos; o secretario, Manuel Saavedra e o tesoureiro, Graciano Rodríguez Novo nun acto no que tamén estivo presente a homenaxeada, rodeada de familiares así como representantes do Concello.
A Real Irmandade de Verteranos das Forzas Armadas e da Garda Civil é unha asociación creada no 1957 co obxectivo de axudar ás persoas que o precisen, exercendo unha labor benéfica e social.
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
