Cervo, 21 de abril de 2014- O Concello, a través das Concellerías de Educación e Medio Ambiente, colabora coa ANPA do CEIP Cervo na actividade de concienciación que se desenvolverá este martes pola tarde, a partir das 15:00 horas, na praia de Rueta. Unha iniciativa na que os 115 nenos e nenas de infantil e primaria do centro recollerán residuos deste areal.
Antes de comezar coa limpeza, o alumnado recibirá unha charla na que se lles informará da actividade que realizarán así como explicacións sobre a importancia de manter as nosas praias en bo estado, ou as consecuencias de botar o lixo fóra dos contedores, tanto para os usuarios dos areais como para a propia fauna da zona e o contorno. Da mesma maneira, colocarase un cartel informativo no que se pide aos usuarios que contribúan a manter limpas as praias.
Ao mesmo tempo, esta acción tamén pretende promover unha actitude cívica e responsable en calquera espazo público e, en especial, no medio natural. A edil de Medio Ambiente, Begoña Alonso asegura que “para el Concello de Cervo es fundamental trabajar con los niños y niñas en la concienciación medioambiental”, porque “ellos son el futuro y, si conseguimos inculcarles esa actitud del cuidado de la natureza, estaremos formando una sociedad más responsable”.
O Concello quixo agradecer publicamente á ANPA do CEIP Cervo a organización desta actividade así como reiterar “a nosa disposición a colaborar en todas as actividades e iniciativas que vaian en beneficio da comunidade escolar e, incluso, como é este caso, de toda a sociedade”, afirma a edil de Educación, Pilar Armada
Da mesma maneira esta actividade é a primeira que se desenvolverá na Mariña dentro da Semana da Terra, impulsada por Coge 3 e co apoio de Sogama. Así, Cervo será o lugar onde arrinque esta campaña de concienciación, coincidindo ademais coa celebración, mañá 22 de abril, do Día Mundial da Terra.
Punto Limpo
A administración cervense lembra que esta semana e a que vén haberá máis actividades de concienciación para o alumnado. En concreto, o Concello ten organizadas dúas visitas ao Punto Limpo; este xoves serán os nenos e nenas do CEIP nº1 de San Ciprián e o martes día 29 os do CEIP de Cervo os que coñecerán o funcionamento desta instalación así como o papel fundamental que teñen os veciños e veciñas na súa utilización.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
