Burela, 30 de maio de 2014. O acto de imposición da medalla de ouro do Concello de Burela ao Burela Fútbol Sala Feminino terá lugar o vindeiro venres, 6 de xuño, a partires das 21 horas no auditorio da Casa da Cultura.
O evento foi presentado esta tarde no Concello. En palabras do alcalde, José Mª González Barcia, será “un acto sobrio, sinxelo e solemne, no que haberá un condutor do mesmo, contaremos cunha actuación do grupo de cordas da Escola Municipal de Música de Burela e procederase á proxección dun vídeo sobre os logros do Burela FS Feminino. Tamén se dará lectura a acordo plenario de 30 de maio de 2013 e imporase a medalla de ouro do Concello burelés ao clube na persoa do seu presidente, que intervirá a continuación ao igual que eu mesmo”.
O rexedor explicou que “a demora na imposición da medalla debeuse a cuestións de tipo técnico e de carácter administrativo. Ademais buscamos unha data que lle permitise ao equipo estar presente, unha data que encaixe para que os/as afeccionados/as acudan masivamente a este acto e unha data que teña repercusión deportiva. E esa fin de semana, a do 6 de xuño dispútase en Burela a Copa de España de fútbol sala feminino, que organiza a Federación Nacional de Fútbol Sala e coa que colaboran tanto o Burela FS coma o noso Concello”.
González Barcia enumerou os motivos polos que se lle concede ao Burela FSF a medalla de ouro: “os motivos son de sobra coñecidos para todos. O Burela FSF acadou na tempada 2012/13 o título de campión de liga da división de honra do fútbol sala feminino e tamén a Copa de España, sendo xunto co Liceo de hockey da Coruña, o único equipo galego que consegue o doblete na mesma tempada. O Burela FS contribúe de forma determinante á promoción do deporte de base e tamén promociona o nome de Burela pola xeografía española adiante Todos estes son motivos máis que suficientes para que o Concello lle conceda e lle entregue a súa medalla de ouro”. O alcalde burelés agarda que “as rapazas do Burela FSF a Copa de España, que van xogar a vindeira fin de semana”. E convida “a toda a afección a asistir ao acto que terá lugar o 6 de xuño na Casa da Cultura. Terá unha duración duns 35 minutos e será sobrio, sinxelo e solemne, como se merece a concesión da medalla de ouro do Concello ao Burela FSF”.
O Burela FSF será o terceiro en recibir esta distinción, que tamén lles foi outorgada no seu día a Xosé Cuiña Crespo, coma conselleiro de Política Territorial da Xunta, e a Francisco Cacharro Pardo, coma presidente da Deputación de Lugo.
Na presentación deste acto estiveron o directivos do Burela FS e tamén representantes da firma patrocinadora.
Memorial Rodrigo Maseda
José Mª González Barcia asistiu este mediodía á presentación do III Torneo de Fútbol Sala Base Memorial Rodrigo Maseda, que organiza a Fundación Indecum e co que colabora o Concello burelés.
O rexedor manifestou que “é enormemente positivo que familia do fútbol sala lembre un ano máis a Rodrigo Maseda, o policía nacional falecido na traxedia do Orzán na Coruña. Rodrigo foi un grande seguidor do Burela FS e tamén deportista”. Para o alcalde de Burela “é bo inculcar os valores do deporte co que representa a figura de Rodrigo Maseda, que deu a súa vida polo demais. Espírito de sacrificio, de compañeirismo, de traballo en equipo eran os valores deste rapaz, que están tamén directamente vinculados co mundo do deporte. Rodrigo Maseda estará satisfeito de ver que as persoas coas que el viviu tantos momentos de satisfacción se lembren da súa persoa a través dunha competición deportiva: a festa do fútbol sala base”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
