A Vicevoceira provincial socialista, Pilar García Porto, fixo balance, tras a Xunta de Goberno celebrada este venres, dos servizos de asistencia xurídica que a Deputación de Lugo prestou dende a Área de Cooperación e Asistencia ós Concellos durante o ano 2013. Así, 50 Concellos recibiron asistencia nun total de 402 preitos, o que para estes Concellos supuxo un aforro dun 500.000 euros. Tal e como aclarou García Porto, esta cantidade é estimada e, con toda seguridade, sería maior unha rematado o procedemento, xa que está calculada atendendo ás táboas de valoración oficial, deixando ó marxe outras cantidades máis complicadas de estimar, coma os honorarios dos avogados.
Estes 402 procedementos, que supoñen un 10% máis con respecto ó 2012, foron na súa inmensa maioría relativos á xurisdición do Contencioso, os cales representan un 63% do total. En segundo lugar, destacan os procedementos sociais, cun 24%, seguidos por un 11% de procedementos civís e, finalmente, os procedementos penais, que cun 2% teñen unha representación significativamente menor.
En canto ás materias, no caso dos procedementos contenciosos destacan os relativos ás reclamacións por responsabilidade patrimonial, cuestións de ordenación urbanística e as licenzas. En canto á vía do Social, a inmensa maioría dos procedementos foron relativos a materias de despedimentos e de recoñecemento de dereitos laborais e, pola súa banda, os correspondentes á Xurisdición Civil destacan signficativamente os relativos a procedementos concursais de empresas e débedas das administracións, cun amplo 90%.
Solicitudes de informes
Os servizos de asistencia xurídica que a Deputación presta de xeito gratuíto a todos os Concellos da provincia non se limitan ós preitos, de xeito que outra das tarefas desenvolvidas polos técnicos provinciais é a redacción de informes a petición dos propios municipios.
Así, durante o 2013, a instancias de 22 Concellos redactáronse un total de 23 informes xurídicos, tanto preceptivos coma de mero asesoramento legal.
As materias obxecto destes informes foron variadas, malia que destacan as cuestións relativas á contratación administrativa cun 26% do total; cuestións de xestión de recursos humanos e persoal cun 21%; ou cuestións de urbanismo, cun 18%, seguidas por informes relativos a outras materias coma a aplicación da Lei Orgánica de Proteccion de Datos, a redacción de convenios de colaboración ou materias de orde económico- financeira, entre outras.
García Porto destacou que este tipo de colaboración gratuíta para todos os Concellos lucenses ten unha importancia “indiscutible” por supoñer un aforro para as arcas municipais, xa que “moitos destes municipios serían incapaces de asumir a carga económica de contratar este tipo de servizos no mercado, ó non contar con persoal especializado propio para estas funcións”.
A asistencia xurídica, que consiste no asesoramento e a representación e defensa en xuízo en todo tipo de procesos xudiciais, non é a única colaboración que se presta dende a área de Cooperación e Asistencia ós Concellos. O persoal técnico da Deputación tamén presta asistencia técnica, en materias como urbanismo, novas tecnoloxías ou medio ambiente; asistencia económico-financeira; asistencia en materia de contratación administrativa; de recursos humanos ou en funcións reservadas -en materias reservadas ós funcionarios con habilitación de carácter estatal-, por citar algunhas.
Outros asuntos
Outro dos asuntos aprobados hoxe na Xunta de Goberno foi a xustificación de conta dunha mellora realizada ó abeiro do Plan de Comunidades Veciñais 2013. En concreto, trátase da adquisición de equipamento informático solicitada pola Asociación de Comerciantes, Industriais e Autónomos de Burela, ACIA, que a institución provincial financiou ó 100% con 2.556 euros.
O Plan de Comunidades Veciñais 2013 contou dun orzamento de 2 millóns de euros, e grazas a el se realizaron diversas actuacións para a mellora das dotacións públicas, especialmente no entorno rural, de todos os Concellos da provincia. As actuacións financiadas fundamentalmente no acondicionamento de camiños e outras accesos veciñais (máis de 61% do total), seguidos polas melloras en instalacións comunitarias, como o caso dos locais sociais (preto do 30%). As restantes repártense entre instalación de parques biosaudables ou infantís ou o arranxo de fontes ou redes de abastecemento de auga (un 6 e un 3,5%, respectivamente).
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
