Lugo, 15 de maio de 2014.- O subdelegado do Goberno en Lugo, Ramón Carballo, recoñeceu este xoves o traballo “moderno e adaptado aos tempos” da Garda Civil, durante o acto conmemorativo do 170 aniversario da súa fundación, celebrado na Comandancia de Lugo, e no que se lembraron tamén os 25 anos da incorporación da muller ao Corpo.
Ao acto asistiron, ademais de Ramón Carballo, o xefe da Comandancia da Garda Civil, Miguel Ángel González Arias; o comisario xefe provincial da Policía Nacional, Manuel Teijeiro; o xefe provincial da Policía Autonómica, Elisardo Fernández; o subdelegado de Defensa, Ricardo Jesús Suárez Delgado; o xefe da Policía Local de Lugo, Manuel Méndez; a delegada territorial da Xunta, Raquel Arias; e o delegado do ISFAS, Javier Pérez, ademais dunha ampla representación do instituto armado.
Ao servizo do cidadán
O subdelegado do Goberno lembrou que, “se hoxe podemos celebrar os 170 de historia da Garda Civil, é grazas á labor do Duque de Ahumada, primeiro inspector xeral do Corpo”, que concebiu un modelo policial “caracterizado pola eficiencia e eficacia para loitar contra os problemas de seguridade cidadá da época, e cun código de valores que se mantén vixente dende as súas orixes”.
Aínda así, destacou Carballo, a Garda Civil non é unha institución anclada no pasado, senón que se trata dun corpo moderno e que se adapta á realidade social do momento para “facer fronte aos novos retos e ameazas alí onde sexa preciso”. Neste sentido, recoñeceu tamén o traballo que os axentes levan a cabo nas diferentes áreas “sempre próximos á cidadanía para garantir a súa seguridade, e prestando axuda e auxilio ante as situacións máis diversas”.
Ramón Carballo agradeceu aos axentes, o “esforzo e dedicación” do día a día, que fan que a Garda Civil se manteña como unha “institución querida e respetada” polos cidadáns.
Condecoracións e recoñecentos públicos
O subdelegado do Goberno tivo tamén palabras de recoñecemento para os gardas civís que no transcurso do acto conmemorativo foron condecorados por diferentes méritos ou mencionados pola súa recente retirada.
Así, foron condecorados coa Cruz ao Mérito da Garda Civil con distintivo blanco nove gardas civís –o tenente José Antonio Hernández Hernández, José Manuel Vigo López, Javier Gómez Veiga, Luis Alberto Novo García, Juan Vidal Vidal, David Campos Framiñán, Antonio López Gayoso, Víctor Núñez Núñez e Cristóbal Rodríguez Noriega- e mailo axente forestal, José Vázquez Vázquez, coordinador da Brigada de Investigación de Incendios Forestais (BIIF).
Ademais, recibiron diplomas de recoñecemento polos servizos prestados durante a súa carreira profesional os gardas civís Jesús Díaz Blanco, José Manuel Vigo López, Manuel López Ratón, Jesús Jove Gizán e Antonio López Gayoso.
Trala entrega dos diplomas e condecoracións, e os discursos das autoridades, a conmemoración do 170 aniversario da Benemérita rematou co himno da Garda Civil.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
