Lugo, 23 de maio de 2014.- A Xunta de Galicia desenvolve ata finais de setembro o programa ‘Cultura no Camiño 2014’, que na provincia de Lugo conta coa participación de 18 concellos para ofrecerlle ao público un total de 80 concertos e representacións escénicas. A Consellería de Cultura, Educación e Ordenación Universitaria e Turismo de Galicia organizan esta segunda edición do circuíto, en colaboración con 81 municipios das diferentes rutas xacobeas en Galicia e co patrocinio de Gadis, como parte das actividades conmemorativas do VIII Centenario da Peregrinación de San Francisco de Asís a Compostela.
A programación lucense foi presentada hoxe pola delegada territorial da Xunta de Galicia, Raquel Arias; o director da Agadic (Axencia Galega das Industrias Culturais), Jacobo Sutil; e o xerente do Xacobeo, Rafael Sánchez Bargiela. En 2014, a inicitiva esténdese a preto dun terzo dos municipios da provincia, achegando música, teatro, narración oral, maxia e novo circo a catro concellos do Camiño de Inverno (Monforte de Lemos, Quiroga, Ribas de Sil e Sober), catro do Camiño Francés (Monterroso, Palas de Rei, Portomarín e Sarria), cinco do Camiño do Norte (Barreiros, Begonte, Ribadeo, Trabada e Vilalba), e outros cinco do Camiño Primitivo (A Fonsagrada, Baleira, Castroverde, Guntín e Lugo).
Oferta heteroxénea
Durante a súa intervención, Raquel Arias detallou as cifras da actividade na provincia de Lugo, onde arrancou o pasado 20 de abril e prolongarase ata o 27 de setembro. Durante estes cinco meses de actividade, un total de 46 formacións e artistas actuarán nos 18 concellos lucenses do circuíto para conformar unha ampla e heteroxénea oferta cultural: 43 funcións de teatro de actor, monicreques e narración oral, 20 sesións de maxia, seis de novo circo e 11 concertos.
“A programación de ‘Cultura no Camiño’ na provincia de Lugo contribuirá á descentralización da oferta cultural e a achegarlles os espectáculos e concertos a miles de espectadores, tanto aos peregrinos como aos habitantes das vilas xacobeas, que son parte fundamental da acollida e da imaxe do noso destino”, dixo. Engadiu tamén que este ciclo é un exemplo de traballo colectivo, porque colaboran distintas administracións e involucra creadores, compañías e programadores da industria cultural galega.
O xerente do Xacobeo, Rafael Sánchez, explicou que as actuacións para a conservación, mantemento e promoción do Camiño son fundamentais para a súa difusión e para incrementar o valor engadido da experiencia de ser peregrino en Galicia. “Hoxe estamos ante a presentación dunha acción promocional que incrementa a vertente cultural da experiencia. Un programa escénico que ademais está enmarcado na programación do VIII Centenario da Peregrinación de San Francisco de Asís a Santiago de Compostela”, asegurou.
Segundo dixo Sánchez Bargiela, o extenso programa turístico-cultural planificado con motivo desta efeméride inclúe acontecementos culturais, artísticos e sociais, así como actuacións relacionadas coa divulgación e coa investigación, así coma iniciativas relacionadas co desenvolvemento turístico e a acollida ao visitante.
Pola súa banda, o director da Agadic fixo fincapé no esforzo organizativo e orzamentario de todas as entidades da Administración autonómica e local implicadas, grazas ao que é posible repetir esta experiecia por segundo ano consecutivo, así como duplicar o número de concellos inscritos e mesmo triplicar as actuacións celebradas durante a súa anterior edición, en outubro de 2013. Neste mesmo sentido, agradeceu especialmente a participación de Gadis no proxecto como empresa patrocinadora de ‘Cultura no Camiño’.
Programación xeral
Jacobo Sutil ofreceu, ademais, os datos xerais de ‘Cultura no Camiño’ que, cun total de 81 municipios galegos inscritos en 2014, supón a vertebración dun extenso circuíto de distribución de producións escénicas e musicais galegas a través das localidades situados nas diferentes rutas xacobeas: Camiño de Fisterra-Muxía, Camiño Francés, Camiño Inglés, Camiño Portugués, Camiño de Inverno, Ruta Xacobea do Mar de Arousa-Río Ulla, Camiño Primitivo, Camiño do Norte e Vía da Prata.
O financiamento deste programa realízase de xeito compartido entre a Xunta de Galicia e as administracións locais seguindo criterios de poboación. Así, para municipios de máis de 20.000 habitantes, a Consellería de Cultura e Educación e Turismo de Galicia achegan o 40 por cento dos cachés dos espectáculos, mentres que nos concellos de menos de 20.000 habitantes, a Administración autonómica asume a metade dos custos.
As representacións e concertos que se están a desenvolver nos devanditos concellos lucenses forman parte, pois, dunha ampla carteleira de 322 actuacións protagonizadas por 134 compañías e artistas. Suman, en total, 159 representacións de teatro e danza, 74 de maxia, 60 actuacións musicais e 29 de novo circo.
En canto ao resto das provincias, na da Coruña 31 concellos acollen 116 actuacións, na de Pontevedra, 22 municipios levan aos escenarios un total de 88 representacións; e na de Ourense, 10 municipios ofrecen 38 concertos e funcións escénicas.
A programación actualizada pode consultarse na sección de axenda da páxina web da Agadic: http://www.agadic.info/Axenda.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
