Asociación de amigas e amigos da Banda de Burela.- A Asociación de Amigas e Amigos da Banda de Burela (AABB), quere pór de manifesto públicamente a complicada situación pola que está a atravesar a Banda de Música de Burela.
A nosa asociación naceu en 2009 coa idea de potenciar a Banda de Burela e xestionar o funcionamento da mesma colaborando co concello, pero a titularidade da mesma ó mesmo que os traxes seguen a ser do concello de Burela, aínda que haxa opinións que argumenten, sen datos nin documentos, o contrario.
Coa aprobación dos orzamentos municipais de 2012, vímonos privados das axudas económicas que percibíamos mediante convenio de colaboración co Concello. Tamén nos vimos gravemente afectados ao ser modificada a ordenanza na que figuraba a exención de taxas na matriculación na Escola de Música para os músicos da Banda. Esta exención tiña como obxectivo favorecer a formación musical dos membros da Banda ao tempo que supuña un pequeno incentivo, tendo en conta as actuacións realizadas ao longo do ano en Burela: Ano Novo, Antroido, Semana Santa, Letras Galegas, Festas de Burela, Día sen coches… pero…, aínda así, seguimos a loitar pola
Banda de Burela.
En decembro de 2011, e tras manter varias reunións co Alcalde e coa concelleira de Cultura, dende a AABB presentamos unha nova proposta de convenio de mínimos con carácter de urxencia e que entendíamos que era perfectamente asumible por ámbalas dúas partes. Pasa o tempo, e cada vez as cousas están peor, pero,… aínda así, seguimos a loitar pola Banda de
Burela.
Ao pouco apoio que temos do concello hai que engadir o último feito que significa o intento de desfeita definitiva da Banda: Dende o 1 de marzo de 2014 NON TEMOS DIRECTOR porque esta corporación municipal no conta con él. Pero, aínda vivindo un auténtico “viacrucis”, seguimos a defender a Banda de todos.
Tras 24 anos de vida, sen apoio institucional do concello e sen vinculación coa Escola de Música, a sorte da nosa BANDA está botada: En Semana Santa, o Xoves Santo, foi a última actuación da Banda de Burela, se Deus, e as autoridades locais non o remedian, aínda que nós sigamos a apostar por ela.
Levamos un tempo de conmocións en Burela: O Torques, o noso ben máis preciado, xa non está no Museo de Lugo. O noso Faro non deu aguantado a violencia dos temporais que sufrimos este inverno, e agora a Banda, outro símbolo de Burela, correrá a mesma sorte aínda que nós, numantinamanete, sigamos a loitar por ela.
Os dous últimos anos, o Concello de Burela deixou de pagar a cuota á Federación Galega de Bandas que cubre o seguro dos membros da mesma. Nós non podemos pagar unha cuota que é competencia do concello, pero sí seguiremos implicados en que Burela teña unha banda, porque, aínda así, seguiremos tocando por e para o pobo de Burela.
Non pedimos moito: Vinculación coa escola de música, apoio institucional e que paguen ó director e a cuota. Se non temos estas cousas preguntámonos: Onde vas Banda de Burela? QVO VADIS BANDA?
Burela, 19 de maio de 2014
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
