A segunda sala de endoscopias anunciada polo SERGAS para o Hospital da Costa permanece pechada e sen dotación de recursos humanos e materiais. Para a CIG-Saúde este é “un síntoma máis” da degradación da sanidade pública na Mariña polas políticas neoliberais do Partido Popular e a perda de capacidade para decidir do Hospital da Costa após a entrada en vigor do decreto de Xestión Integrada, con centro de decisión en Lugo.
En Xaneiro de 2014, despois de recoñecer que se estaban a desviar pacientes a Lugo, ao Hospital Universitario Lucus Augusti (Hula), para facer endoscopias, dende a Xestión Integrada anunciaron que o Hospital da Costa tería activa unha segunda sala para endoscopias que axudaría, tamén, a explorar outras vías rápidas de patoloxías oncolóxicas, como o cancro de colon.
En Febreiro de 2014, dende o SERGAS e a Eoxi Lugo, Cervo e Monforte de Lemos anúnciase que se iniciou e rematou a remodelación dá área de endoscopias non Hospital da Costa, de inminente apertura cunha dotación en material por valor de 138.000 €.
A día de hoxe, explican dende a CIG-Saúde, a segunda sala de endoscopias permanece pechada, sen dotación de material e sen recursos humanos para poñela en funcionamento, co prexuízo que iso supón para os mariñáns e mariñás.
Segunda causa de morte en Galiza
CIG Saúde A Mariña lembra que o cancro colorrectal é sumamente frecuente, pois no caso das mulleres representa o segundo tras o cancro de mama, e nos homes o terceiro despois do de pulmón e próstata.
Trátase da segunda causa de morte en Galiza tanto de homes coma de mulleres, e a quinta causa global, polo que se trata dun “problema sanitario de primeira magnitude”. Pero tamén é unha enfermidade que se pode previr “e o diagnóstico precoz é o xeito máis axeitado para a súa abordaxe”.
O cancro colorrectal é unha das patoloxías incluídas na denominada “vía rápida” implantada polo SERGAS (excepto na Mariña) para o diagnóstico dunha batería de enfermidades e que está dirixida a pacientes que presentan síntomas que fan sospeitar que pode padecela. Estes pacientes son derivados polo médico de atención primaria e son sometidos ás probas correspondentes nun prazo de quince días.
Explicacións ao Sergas
Dende CIG Saúde A Mariña piden explicacións ao SERGAS dos motivos polos que está segunda sala se atopa pechada, que se aclare onde está o material anunciado para a súa posta en marcha e por que non se contrata persoal para poñer en funcionamento esta segunda sala de endoscopias “e dar una atención sanitaria de calidade aos mariñáns e mariñás”.
CIG Saúde A Mariña sospeita que dende Lugo continúan considerando o Hospital da Costa como un centro de gasto e non un centro sanitario público destinado a unha mellor atención sanitaria na comarca, freando calquera tipo de inversión económica, humana e material tentando baleirar o Hospital da Costa de contidos e servizos en beneficio da sanidade privada.
Para CIG Saúde A Mariña todo o anterior forma parte dunha “ofensiva neoliberal liderada polo Partido Popular encamiñada a desmantelar a sanidade pública da Galiza en xeral, e a da Mariña en concreto, para despois vendela por lotes a empresas amigas, medidas que afondan no prexuízo e sufrimento da veciñanza da comarca”.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
