A Mariña, 23 de maio de 2014. O BNG pechou a campaña na comarca con un acto nos xardíns Noriega Varela de Viveiro, no que participaron o portavoz municipal, Bernardo Fraga; a parlamentaria Ana Pontón e a candidata ao Parlamento Europeo, Olalla Rodil.
Neste acto, os nacionalistas mesturaron reivindicación e imaxinación para levar a cabo unha solta de globos ao aire como acción simbólica coa que denunciaron “as políticas de emprego que condenan á mocidade a emigrar, que fai que as nosas mozas e mozos se volatilicen e desaparezan desta comarca, condenándoa a desaparecer.”
“Nos últimos catro anos máis de 3.000 mozas e mozos desapareceron dos censos de poboación da comarca, polo que máis de 3.000 persoas marcharon, probablemente de xeito definitivo, xa que ata cambiaron o seu enderezo censual”, explicaron desde o BNG. “Estas persoas non marchan por espírito aventureiro nin por coñecer outras culturas. Marchan expulsadas do seu País, da súa terra, pola aplicación de políticas que impiden o o seu desenvolvemento e un futuro digno para a nosa comarca.”
A formación nacionalista chamou neste último día de campaña “a rebelarse contra estas políticas deseñadas pola Unión Europea e aplicadas por PP e PSOE indistintamente que condenan a este país e a esta comarca á emigración e ao seu esmorecemento.”
“As mozas e os mozos son o garante do futuro para calquera país. Se son expulsados, se se permite que sigan a marcharse milleiros cada ano, estaremos condenando eternamente a este país”, aseguraron desde o BNG.
“Por iso o domingo temos a oportunidade de rebelarnos, temos que exercer o voto para dicir que xa está ben de políticas feitas e aplicadas para beneficiar ao grande capital, mentres se perxudica ás persoas. Temos que votar con dignidade e dar un primeiro paso para mudar o xeito de facer política: unha política para as persoas e para os pobos”, conclúen desde o BNG.
Valoración da campaña
Desde o BNG valoraron a campaña desenvolta pola formación na comarca nestas dúas semanas como “moi positiva, na que a militancia e simpatizantes do BNG foron quen de romper o silencio e a censura á que se someteu á formación durante estes quince días; achegando a mensaxe do BNG a todos os concellos da comarca, realizando actos públicos, repartos e encontros para lograr espallar a alternativa nacionalista por toda A Mariña”, declarou a responsábel comarcal Ana Ermida.
“Desde o BNG reclamamos nesta campaña o que vimos facendo historicamente en todas as institucións nas que estamos: capacidade para decidir sobre o noso e para poder aplicar políticas adaptadas ás nosas necesidades. Por iso defendemos a eliminación do principio de estabilidade relativa que lle impide pescar aos nosos barcos coa imposición de cotas que perxudican á flota galega; a creación dun fondo de compensación láctea para afrontar a desaparición das cotas lácteas o vindeiro ano; a garantía de competencia e prezos xustos para as produtoras de madeira; a defensa dos servizos públicos e de calidade como a sanidade, a educación ou os servizos sociais ou políticas de emprego que eviten a sangría que estamos a sufrir nesta comarca”, recordou a responsábel nacionalista.
A formación nacionalista agradeceu “a implicación de todas as persoas que fixeron posible que a campaña do BNG chegara a todo o mundo e animou a responder con contundencia nas urnas o vindeiro domingo, apostando por outra forma de facer política no que o prioritario son as persoas.”
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
