A maioría dos medios obviaron informar sobre o debate parlamentar da Iniciativa Lexislativa Popular polo emprego impulsada pola CIG. Era de agardar que o Partido Popular non se interesase pola Iniciativa Lexislativa Popular que a CIG defendeu no día de onte diante do Pleno do Parlamento galego, ao se tratar dun conxunto de medidas para o crecemento económico e a creación de emprego en Galiza alternativas ás políticas e neoliberais de recortes e empobrecemento da maioría social aplicadas como receita á crise e contrarias ao discurso uniforme que emana de institucións tan pouco democráticas como o FMI ou o BCE.
Non se debería entender, porén, a ocultación que a ILP da CIG recibiu por parte dos grandes medios comunicación privados: nin polo seu interese social nin pola súa extraordinariedade dentro da propia orde do día do Pleno do Parlamento. Aínda así, ningún dos dous xornais de máis tirada de Galiza, como La Voz de Galiza ou o Faro de Vigo, se fixeron eco desta noticia nas súas páxinas, nin sequera a través dunha breve reseña coa que “cubrir o expediente”.
De máis está lembrar que ambas empresas son de sobra coñecidas pola súa marcada liña editorial antisindical, e nomeadamente contraria as organizacións e movementos de corte nacionalista.
Tampouco para El País, os xornais da Editorial La Capital (Diario de Ferrol e El Ideal Gallego) ou La Región o debate das medidas propostas pola CIG mereceu un espazo entre as súas páxinas.
Estes medios, no mellor dos casos, a ILP só lle dedicaron un breve espazo nas súas edicións dixitais. Neste marco é de salientar a información publicada no dixital de La Región, pola súa amplitude.
A respecto de El Progreso de Lugo Diario e o Diario de Pontevedra (do mesmo grupo), recóllese unha pequena información –tomada de axencias- nas páxinas de Economía, e curiosamente asinada en Madrid. El Correo Gallego solventa a cuestión dedicándolle seis liñas no marco dun despece da información principal; o mesmo espazo que dá para explicar por que o PP rexeitou a toma en consideración da ILP.
Suso Seixo “promotor da ILP”
Mención aparte merece a información aparecida no Telexornal Mediodía da TVG, xa que segundo a canle pública, non foi a CIG, como organización obreira que conta cunha base social de 75.000 afiliados/as, que representa a miles de traballadores e traballadoras galegas, e que desenvolve unha acción sindical cunha liña firme, non pactista e coherente, quen promoveu a ILP.
Non, para a espectadora e o espectador que non escoitase a introdución da presentadora do informativo, o único promotor da iniciativa foi Xesús Seixo, cidadán galego, que, atendendo ao estritamente referenciado na peza, nin sequera acudiu ao Parlamento en calidade de Secretario Xeral da CIG.
Alén de facer unha pescuda miúda polos informativos de radio e a prensa dixital, que por norma xeral soen ser máis diversos no seu contido informativo, a práctica ausencia de noticias sobre o debate da ILP da CIG reflicte o carácter pouco democrático do estado no que vivimos e a vulneración sistemática do dereito a recibir unha información veraz e plural. Unha situación agudizada dende o estoupido da crise financeira e a conseguinte aceleración da ofensiva neoliberal contra as clases populares.
Esta realidade choca frontalmente contra a vestidura de independencia, obxectividade e profesionalidade coa que estes grandes grupos de comunicación se presentan a si propios, cando en realidade atenden a uns intereses económicos moi concretos e directamente relacionados coas entidades bancarias que os financian (senón propietarios) e o monto de subvencións públicas coas que os gobernos de quenda modulan as liñas editoriais.
Nin que dicir da dependencia dos medios públicos galegos.
Se algunha lección hai que tirar desta censura é que a CIG segue a ser unha organización que o sistema considera perigosa para os seus intereses e, polo tanto, á que hai que atacar.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
