Este venres 6 de xuño, arrancará no Pazo de San Marcos o #INLUGO14, o congreso gratuíto e aberto ó publico sobre Internet máis importante de Galicia, que converterá a Lugo no centro de referencia das redes sociais da Comunidade. As 200 entradas para seguir o evento no Salón de Actos da Deputación esgotáronse en tan só unha hora. Quedan dispoñibles as derradeiras localidades para facelo dende o Salón de Plenos. Os interesados poden conseguir unha en www.deputacionlugo.com ou www.inlugo.com.
Ás 16:00 horas abriranse os salóns e entregaranse as acreditacións. O Presidente, José Ramón Gómez Besteiro (@jrgomezbesteiro), dará comezo ó congreso ás 16:30 horas e presentará a ponencia inaugural, a de Ramón Lobo (@ramonlobo). Xornalista, escritor de éxito, blogueiro e corresponsal de guerra en conflitos como os de Bosnia, Kosovo, Chechenia, Irak, Afganistán, Serra Leona ou Ruanda, Lobo falará sobre O verdadeiro momento do xornalismo dixital.
O congreso continuará ás 17:45 horas coa mesa redonda sobre Os virais que nos gobernan, na que participarán Pepo Jiménez (@Kurioso), responsable da plataforma que monitoriza os contidos da rede máis exitosos, e Delia Rodríguez (@delia2d), xornalista do Huffington Post, experta en Internet e autora de Memecracia, onde relata o fenómeno dos memes e virais, así como a súa influencia na sociedade. Ás 19:00 horas, Efrén Álvarez (@EfrenMasterChef), lucense que participou en Master Chef, e os blogueiros Luis Rodríguez (@luisete) e Paco Becerro (@futurobloguero) avaliarán A moda gastronómica. A xornada rematará ás 20:00 horas, con Humor 2.0. Actuación musical a cargo de Víctor Grande (@vicgrande).
Programación do sábado
A programación do sábado é a seguinte:
10:45 horas.- Lugo na rede. Presentación de empresas, iniciativas e proxectos relacionados coa rede e co ADN lucense, que contará coa participación de Elio Laureano, de Didimox; Hugo Iglesias, de Miramar Cruceros y Nudoss; Rubén Pérez e Kathryn Phillips, Don´t be a foreigner; Santiago Martínez, Ocio en Galicia-Ocio en Lugo e Tamara Raposo, xornalista e Community Manager.
12:00 horas.-Taller de alfabetización dixital, a cargo de Juan García (@blogoff).
13:00 horas.- Mesa redonda Open Government, coa participación de coñecidos profesionais do sector: Pablo Rivera (@priveracapon); Carlos Guadián (@carlosguadian) e Cristina Juesas (@maripuchi).
16:30 horas.- Lo bueno, si breve… 8 ponencias de 15 minutos
– O día que a moda chegou a Internet, Paloma Abad (@palomaabad), El País.
– De San Fernando a California, Alexandra Guerrero (@Drita). Editora xefe de Engadget España
– Imos a empezar a deixar de parecer e empezar a ser, por Clara Ávila (@claraavilaC), consultora Social Media e blogueira
– A revolución das Google Glass, por Juan Barambones (@remotteglass), CEO de Remotte.
Blogs e nais. O meu xefe é Ricky Martin, por Lucía Sández (@babybaballa)
– Máis importantes que o FBI, por Carlos Fernández, Community Manager de @policia
– Así se ve o mundo dende 100 metros de altura, por Rubén e Nacho, de Air-e Lugo (@AIR_eProduccion)
– Celebrities&Twitter, por Laura Pintos (@credula).
19:30 horas.- Entrega dos II Premios #INLUGO
20:00 horas.- Os 10 mellores momentos de Internet 2014, por Pepo Jiménez (@kurioso)
20:30 horas.- Foto de familia. Despedida e peche do acto.
Éxito dunha iniciativa de fondos europeos
O ano pasado, a primeira edición do Congreso de Cultura Dixital e Redes Sociais #INLUGO converteuse en Trending Topic en Twitter e foi seguido en directo por máis de 2.000 persoas a través das redes sociais. Trátase dunha iniciativa cofinanciada nun 80% por fondos europeos do Innova-TE, enmarcada na aposta da Deputación por achegar as novas tecnoloxías ós cidadáns. Ten como obxectivo fundamental fomentar o uso da rede e das novas tecnoloxías entre todos os sectores da poboación e reflexionar sobre as implicacións que ten na vida diaria.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
