Lugo, 30 de xuño de 2014.- Este martes arrinca unha nova edición do programa Cultura Aberta, que organiza a área de Cultura da Deputación provincial por sétimo ano consecutivo, un completo programa de actividades que inclúe cinema, diversión para nenos e nenas, concertos e teatro e que encherá de cultura as tardiñas do mes de xullo e da primeira semana de agosto na cidade de Lugo.
Os Martes de Cine Social, os Mércores Miúdos, os Xoves de Cultura Aberta, e os Venres de Teatro encherán, un ano máis o Pazo de San Marcos e os seus xardíns, nun programa, que en palabras do nacionalista Mario Outeiro, delegado de Cultura e Turismo da Deputación de Lugo, “está totalmente consolidado e quere achegar propostas de lecer e culturais a toda a poboación que queira participar, xa que os contidos se van adaptar a todos os públicos”.
Este programa cultural, referencia do verán en Lugo despois de 7 anos, arrinca esta semana coa película Persépole (martes 1), a actuación para nenos Rodari Rodari (mércores 2), os concertos de Tumba e Dalle e Os Cempés (xoves 3), e a obra de teatro Sede de Mal, de Lareta Teatro (venres 4).
“Coa posta en marcha desta sétima edición de Cultura Aberta, desde a área de Cultura da Deputación de Lugo queda demostrado o noso compromiso coa cultura feita na Galiza e en galego nas súas diferentes expresións. Somos conscientes da importancia de investir nela, aínda en tempos de crise, xa que a cultura ademais de dinamizar a sociedade, alentar os ánimos e enriquecer o espírito, impulsa a economía pola industria que se crea arredor dela”, concluíu o Mario Outeiro.
Oferta variada catro días da semana
Así, os Martes de Cine Social terán lugar do 1 de xullo ao 5 de agosto, ás 20.00 horas, no salón de actos da Deputación, en sesións nas que se poderán visionar filmes como Persépole, Iron Jawd Angels, Moolaadé, A Misión, ou Os Mozos do Coro.
Os Mércores Miúdos comezarán o 2 de xullo para rematar o 6 de agosto, comezando sempre ás 18.30 horas, e como é habitual, desenvolveranse nos xardíns da Deputación. Nesta edición, formarán parte da programación para os máis pequenos e pequenas as actuacións de Fantoches Baj, co espectáculo ‘Rodari Rodari, contos de tranvía’; Peter Punk, que porá en escena “Peor imposible”; Daboapipa, que traerá os seus ‘Contos de Animalario’; Pablo Díaz, co seu ‘Toc-Toc’; e Pesdelán e Cántigas e Frores, que escenificarán ‘Na punta do pé’.
Os Xoves de Cultura Aberta darán comezo o 3 de xullo ás 21.00 horas, nos Xardíns da Deputación, e continuarán ata o 7 de agosto; presentados por Carlos Meixide (‘Arturito Puy’ de Os da Ría). Tumba e Dálle e Os Cempés abrirán estes Xoves de Cultura Aberta, que continuarán coas actuacións de Eudemónicas e Kepa Junkera, Xabier Díaz e As adufeiras de Salitre; Carapaus e Ulträqäns, HabELAS HainNas e Sacha na Horta (Horta Revolution!); e Leña Verde e Proxecto Danza.
Xa por último, os Venres de Teatro comezarán o 4 de xullo ás 21.00 horas e prolongaranse ata o 8 de agosto. Traerán as súas representacións ata os xardíns da Deputación o grupo Boneca Lareta con ‘Sede de Mal’, Abrapalabra Creacións Escénicas, con ‘As do Peixe’; Microefectos Dramatúrxicos, con ‘Que vai ser dos nenos?’; Teatro do Adro con ‘As mil vidas de Matías Houseman’; e Voadora con ‘Waltz’.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
