Cervo, 2 de xuño de 2014- O alcalde de Cervo, Alfonso Villares e a edil de Turismo, Begoña Alonso, percorreron este luns os areais do municipio xunto ao xefe provincial do Servizo de Costas, José Miguel Estevan Dols, para avaliar o estado actual das praias e establecer as actuacións necesarias para acondicionalas de cara á temporada estival.
Desta maneira, Costas anunciou que a semana que vén iniciará os traballos para recuperar o perfil de verán dos areais cervenses, especialmente despois dos virulentos temporais que nos meses de inverno afectaron ás costas galegas. No caso das praias de Cervo, o Servizo de Costas realizara hai uns meses algunhas tarefas de urxencia, centrándose naquelas que podían afectar á seguridade como foi o caso de restauración de balaustradas e varandas do paseo marítimo.
Estes traballos de acondicionamento permitirán que as praias estean a punto e en perfecto estado para a temporada de baño, momento no que se porán en marcha outros servizos como o de socorrismo. Unhas tarefas das que antes se encargaba a Deputación pero das que o actual goberno bipartito se desentendeu.
De feito, o Concello ten enviado numerosos escritos pedíndolle colaboración ao Goberno Provincial que, ou ben non eran respondidos, ou ben a axuda era denegada. Por iso, na actualidade o Concello de Cervo opta por solicitar axuda a Costas, ao coñecer de antemán que á Deputación “no le preocupa el estado de las playas de Cervo”, remata Alonso.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
