Foz, 6 de xuño de 2014. O alcalde de Foz, Javier Jorge Castiñeira, aclara que os 5.000 euros que tivo que devolver o Concello á Xunta de Galicia corresponden a subvencións do ano 2009, cando no goberno municipal estaba o PSOE, con Xaime Cancio de tenente de alcalde.
“O goberno de Foz quédase abraiado, unha vez máis, polas denuncias e as declaracións do señor Xaime Cancio, que estes días saíu na prensa criticando a devolución de 5.000 euros por subvencións que non chegaron a xustificarse ou por non facelo de forma correcta. Efectivamente, temos que darlle a razón nese sentido porque claro que se devolveron, pero resulta que son subvencións do ano 2009, cando el estaba de tenente de alcalde. Entón se el denuncia desgoberno, que efectivamente o houbo, foi cando el estaba gobernando”, aclarou o rexedor municipal focense.
Javier Castiñeira engadiu que “estamos chegando a tal punto de crítica por parte dun señor que do único polo que está preocupado é polo seu futuro político que lle dá exactamente igual o pobo de Foz e chega a cometer estas equivocacións. Pero xa non sei se son declaracións malintencionadas directamente, porque é incrible que poida criticar o que el mesmo fixo no ano 2009. Trátase de subvencións do Fondo de Cooperación para contratación de persoal que por diferentes motivos non foi contratado ou porque se deron de baixa. Fixérono eles, o goberno socialista, cando el era tenente de alcalde”.
O alcalde recoméndalle a Cancio “que deixe de criticar por criticar, pois chega a criticar ata as xestións que el fixo. Que rectifique e que pida desculpas ao goberno municipal de Foz. E se non está pensando nos veciños de Foz e no benestar do noso concello que deixe o sitio para outra persoa e que pare de danar ao Concello de Foz”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
