Foz, 4 de xuño de 2014. O alcalde de Foz, Javier Jorge Castiñeira, denuncia este mércores a incoherencia de PSOE e Unifoz por opoñerse ao pago de facturas con reparos de Intervención xa que o goberno municipal socialista, do que formaba parte Xaime Cancio, fíxoo en numerosas ocasións nos anos 2008, 2009 e 2010.
“Despois de que a oposición denegará o pago de facturas a provedores do Concello por máis de 165.000 euros a través dun recoñecemento extraxudicial de crédito, polo que esas empresas van ter dificultades para cobrar eses traballos que fixeron, dende o grupo de goberno miramos informes de Intervención dos anos 2008, 2009, 2010, que son os últimos anos do goberno socialista co señor Cancio como tenente de alcalde. Naquel momento aprobaron recoñecementos extraxudiciais con numerosos reparos de Intervención. Por este motivo chámanos moito a atención que xente que estivo levantando reparos e informes de Intervención negativos nos chame agora a nós irresponsables e denegue o pagamento desas facturas”, explicou o rexedor municipal.
Javier Castiñeira pon como exemplos “reparos por facturas da nave de usos múltiples, por posibles fraccionamentos de obra incorrectos; facturas tamén dos cursos de maiores, por posible incumprimento dalgunha lei; diferentes facturas de dietas, incluso algunha do señor Cancio, que se facían incorrectamente; pagos en restaurantes por comidas e ceas que non correspondían; posibles subvencións que se facían con facturas que tampouco correspondían. Eses reparos a facturas do anterior goberno, no que estaba o señor Cancio, levantáronse con total tranquilidade”.
Polo tanto o alcalde considera que “o señor Cancio non pode dar leccións de nada; sabemos que os seus motivos son os mesmos dende o inicio deste mandato: bloquear o Concello por intereses única e exclusivamente personalistas. É capaz de todo por conseguir os seus propios intereses persoais. Non será moi tarde cando este señor nos anuncie un novo cambio de chaqueta, un máis dos múltiples que xa fixo. O seu interese polo Concello é mínimo e dende logo nós temos que denuncialo porque está impedindo o funcionamento normal da corporación. Estivo en contra do pago a provedores, fundamental para a liquidez do Concello; tamén se opuxo a todos os orzamentos municipais e da suba de taxas para equilibrar os orzamentos, incluída a de Sogama, que vai custar agora 60.000 euros ao Concello, e tamén a da auga. Vai en contra de todo o que propón o goberno municipal. O PSOE e Cancio chegaron incluso a criticar o propio plan xeral de ordenación municipal que eles fixeran no ano 2007”.
Castiñeira rematou denunciando a “falta de coherencia absoluta tanto do PSOE como do señor Cancio, que xa empeza a actuar como portavoz da agrupación socialista. Aló eles, pero parece bastante inconsecuente que este señor estea gobernando dende a escuridade as decisións do Partido Socialista”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
