Santiago, 4 de xuño de 2014.- A preguntas do deputado do Grupo Parlamentario Popular, Jose Manuel Balseiro, o director xeral de Asistencia Sanitaria do SERGAS, Félix Rubial, confirmou que en Burela e Viveiro hai 2.500 diabéticos que potencialmente poderían beneficiarse do programa de retinografías en Atención Primaria, que se desenvolve nos centros de saúde destas dúas localidades e do que se benefician os usuarios de ata nove concellos da Mariña lucense situados no ámbito de influencia destes centros.
O representante do Goberno galego respondía así á iniciativa formulada polo deputado popular que, na Comisión de Sanidade do Parlamento de Galicia celebrada esta mañá, quixo avaliar e interesouse polo funcionamento deste novo servizo que evita ter que desprazarse ao Hospital da Costa para realizar esta proba como, na maioría dos casos, acontecía ata o de agora.
MÚLTIPLES VANTAXES
Precisamente Félix Rubial coincidiu co deputado popular en salientar os beneficios deste programa dirixido aos enfermos de diabetes, por ser estes os que presentan maior risco de problemas oftalmolóxicos. O representante do Goberno galego repasou as distintas vantaxes do programa destacando, entre outras, que con el o SERGAS foi quen de achegar o servizo á poboación atendida, reducindo os desprazamentos e os custos indirectos que estes traslados entrañan para os pacientes e mellorando a accesibilidade á proba.
Tamén indicou que o novo programa ten servizo para liberar recursos hospitalarios para outros pacientes, que non dispoñen deste equipamento nos seus centros de saúde e que, polo tanto, viron mellorado o seu acceso e reducindo os tempos de espera.
DETECCIÓN PRECOZ
Félix Rubial salientou, por outra banda, o incremento do número de pacientes aos que se pode realizar un fondo de ollos coa periodicidade recomendada para detección precoz das retinopatías, facilitando o diagnóstico rápido, o seguimento, o tratamento e o control axeitados, optimizando a continuidade asistencial e mellorando o manexo compartido dos pacientes e a capacidade resolutiva da Atención Primaria.
O responsable do SERGAS respondeu tamén que é previsible que a medio e longo prazo o correcto seguimento destes pacientes reduza as complicacións oftalmolóxicas da enfermidade, entre elas, os casos dramáticos da cegueira. Así mesmo, explicou que para facer realidade este programa, o SERGAS realizou a adquisición dos equipamentos necesarios e a formación dos profesionais tanto no manexo destes aparatos, como na técnica en cuestión.
Pola súa banda, Jose Manuel Balseiro volveu a agradecer os esforzos do Goberno galego por, en tempos de crise, mellorar a proximidade e a calidade dos servizos que se prestan na sanidade pública da Mariña lucense e salientou que este e outros feitos veñen a desmentir ás críticas que se formulan desde os partidos da oposición.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
