Ribadeo, 12 de xuño de 2014. O pleno extraordinario celebrado este mércores no Concello de Ribadeo aprobou por unanimidade o expediente de modificación de determinadas condicións financieiras do préstamo de pago a provedores. Dita modificación permitirá unha redución máxima do tipo de xuro nuns 140 puntos básicos e un aforro de preto de 100.000 euros ao Concello ao longo dos vindeiros 8 anos. O alcalde, Fernando Suárez, felicita aos concelleiros de todos os partidos políticos por apoiar esta medida.
O rexedor contou que “neste pleno extraordinario que celebramos este mércores o acordo foi adoptado absolutamente por unanimidade. Tampouco quedaba moita máis marxe para que calquera dos grupos da Corporación fixéramos outra cousa, dado que o que está facendo nestes últimos tempos o Concello de Ribadeo precisamente vai na liña destas propostas que tiña o Ministerio para que nos puideramos adherir os concellos, no sentido de que estamos impulsando actuacións electrónicas na relación cos veciños así como tamén estamos simplificando moito os trámites para o inicio de actividades empresariais”. Suárez Barcia engadiu que “de aí que se adaptaban moito estas novidades ao que nosoutros xa estamos facendo, pero en todo caso con estes compromisos de adhesión a estes criterios vamos ter uns 140 puntos básicos menos no tipo de interese que o Concello ten que aboar ano tras ano durante os próximos oito exercicios, o que vai supoñer un aforro para as arcas públicas duns 96.000 euros. Iso daranos máis marxe para seguir facendo actividades de inversión en servizos sociais, no medio rural, nas parroquias, etcétera. De aí que felicito a todos os corporativos por adoptar este acordo unánime”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
