Este domingo 1 de xuño no embalse do Centro de Tecnificación Deportiva de Trasona (Asturias), Xoel García Neira, do Club Kayak de Foz, marcou un fito na súa historia ó proclamarse vencedor do primeiro Campionato de España de infantís B na distancia de 3.000 metros na modalidade K1. O club participou con tres palistas infantís: Xoel García Neira (infantil B) e Juan Rivas e Noel García (infantís A).
O primeiro palista en sair á auga foi Xoel ás 10.30 horas que, xunto a outros noventa e sete infantís B, dábanse cita para a disputa do título nacional da súa categoría. A regata respondeu ás expectativas tanto dos espectadores como as dos técnicos. A saída da regata foi un largo sprint disputado por todos o cal foi situando a cada infantil no lugar que lle correspondía. Xoel fixo unha saída espectacular situándose xa nos primeiros cen metros entre os catro primeiros postos da proba. Despois duns tensos minutos de espera comezaron a aproximarse á ciaboga próxima a meta, completando deste modo a primeira das dúas voltas da regata, con Xoel situado en terceiro lugar seguindo moi de preto a pelexa que os dous de cabeza tiña por entrar primeiro na ciaboga. Xoel soubo aguantar na terceira posición e no penúltimo largo do recorrido conseguiu situarse na segunda posición. A última ciaboga conducía a Xoel do Kayak e a José Peral do Lipasam andaluz ós últimos 750 metros da regata.
Unha vez pasada a última ciaboga, a vitoria era so cosa de dous regatistas, Xoel e José Peral. Os 750 metros finais foron un largo sprint entre os dous palistas no que Xoel colleu a cabeza e, resistindo todos os tremendos ataques do andaluz do Lipasam, cruzou a liña de meta con menos de media piragua de ventaxa.
Unha importante e merecida vitoria de Xoel García Neira do Club Kayak que se suma ó seu, de momento, corto currículo deportivo xunto co título de Campión Galego alevín no 2013 e gañador de dous das tres regatas disputadas no actual Campionato Galego de Promoción.
Sorte dispar para os infantís-A
Ás doce do mediodía foi a quenda de Juan Rivas e Noel García Edrosa. Compartían lámina de auga con 122 palistas procedentes de toda a xeografía española e que se preparaban para disputar o título de Campión Nacional de Infantíl-A na modalidade K1.
Despois duhna tensa espera, os nervios de moitos palistas saltaron provocando unha saída nula. Despois de recolocarse para outra nova saída, os 122 regatistas saíron á voz de ¡¡XA!! producíndose diversas caídas pola gran aglomeración de barcos na mellor zona da pista de regatas. Un dos caídos foi Juan Rivas que, non obstante, recuperouse e foi remontando durante toda a regata atas ocupar a praza número 70 en meta (oficiosa) xa que na caída perdeu a placa co número do dorsal polo que pode correr o risco de que non o califiquen.
Pola súa parte, Noel librouse dos enganchones e situouse no paquete central da regata ocupando en todos os pasos por ciabogas as posicións de 40 a 50, cruzando a liña de meta no posto 49.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
