Fernando Lacaci.- Nestes últimos días estase a debater nos medios de comunicación unha iniciativa que pretende conseguir que os comedores escolares abran as súas portas durante o verán para “paliar a fame infantil”.
Na Confederación de Anpas Galegas queremos expor a nosa opinión consensuada sobre este aspecto, que podemos resumir nos seguintes puntos:
• Estamos diante dunha situación de indiscutible crise económica, na que levamos instalados máis de seis anos, e cun sistema político que está facendo evolucionar o país cara unha cada vez maior desigualdade. É evidente que existe urxencia no tratamento das necesidades sociais, e na cobertura dos múltiples casos de necesidade que se están a detectar.
• A existencia das necesidades económicas que se están a denunciar é unha consecuencia das políticas económicas e sociais que están levando a cabo os actuais gobernos galego e español.
• É obriga das autoridades políticas proporcionar todas as solucións necesarias ás carencias económico-sociais que existan entre a cidadanía.
•Esas solucións deben estar artelladas polos servizos sociais, polos profesionais do sector, e teñen que se enfocar dun xeito integrado; tanto no que se refire ao tratamento das familias no seu conxunto, como no que ten que ver coa cobertura de todas as facetas de cada individuo.
• Calquera resposta que se dea ao problema debe ter moi presente o respecto á dignidade dos individuos, á súa privacidade e intimidade. A atención ás necesidades básicas da infancia debe facerse dentro dun tratamento integral das súas familias, que son o seu lugar de abrigo e referencia, e o seu ámbito espacial e emocional.
É certo que quen ten fame necesita comer, pero pode comer nun espazo socialmente protexido e familiarmente amable como pode ser a propia casa, coa seguridade de que todos os seus están tamén comendo, sen ser levado a un lugar onde, de xeito extemporáneo, poderá ser xulgado, diferenciado, clasificado e, finalmente socialmente excluído (aínda que ese non fose o obxectivo). Un segundo escenario que rexeitamos totalmente.
• As accións que se realicen deben ter unha proxección a medio e longo prazo: non abonda con alimentar a quen ten fame, hai que traballar para que non se volva a ver nesa situación. As accións a curto prazo son simple beneficencia e non solucionan ningún problema real.
• Este non é un problema educativo, é un problema social, e non son as ANPAs quen deben facilitar ningún tipo de información ao respecto, porque esta sería incompleta xa que carecemos dos datos precisos para facer unha diagnose de conxunto.
En conclusión: rexeitamos a apertura de “comedores para pobres”, sexan escolares ou non, sexan para a infancia ou para a madurez, e esiximos que a administración dea cobertura ás necesidades sociais con rigor e seriedade, actuando por medio de profesionais, e mantendo unha visión a longo prazo que pasa necesariamente polo cambio de modelo económico-social que estamos a soportar nestes últimos anos.
Para un maior e máis completa información do noso punto de vista, invítovos a visitar o artigo publicado no noso blog: http://www.anpasgalegas.org/2014/06/apertura-de-comedores-escolares-no-veran-ou-tratamento-integral-das-suas-familias/#more-279
Fernando Lacaci
Vicepresidente de Anpas Galegas
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
