“Don Bernardo” en la Haya

Hai xa algún tempo recibíramos, vía internet, esta mensaxe: “Después de un largo trabajo, tenemos el placer de anunciarte que nuestro Documental “La Guerra de Severo” será proxectado en La Haya (Países Baixos) en la Sala de Prensa del Penal Internacional para la ex Yugoslavia, el día 29 de maio.Un saludo, Juan Manuel Cañero”.“ La cinta cuenta la historia de Severo Eubel de la Paz,- en la clandestinidad-, atípico guerrillero cuyos referentes eran Jesucristo, D. Quijote, Lenin y Gandhi. Maestro de profesión, revolucionario de vocación, participó en la Guerra Civil Española y una vez acabada ésta, continuó su lucha con increíbles acciones . Figura controvertida, su máximo objetivo era la paz y la reconciliación de España”. Ata aquí o texto recibido.

No libro “Miscelánea focense” contamos a vida singular do persoeiro: “ A guerrilla de Madrid recibira golpes moi duros e acorda abandonar a capital (1943). Un camarada, conductor dun taxi de gran turismo, ofrécese a trasladalo á casa dunha familia coñecida súa, en Foz, establecéndose en Mañente, onde desenvolve, en riguroso anonimato, un importante labor docente e socio-cultural que lle val o respecto, o aprecio e a gratitude da veciñanza.Pero o 19-1-56 a nova conmove a bisbarra: “Bernardo Gonzalo Gil”, nome suposto, era detido en medio de espectacular despegue da Garda Civil; e o home que se gañara as simpatías e o recoñecemento das xentes, trocouse en personaxe enigmático, arredor do que se tecían as mais opostas versións. Condenado a pena de morte é conmutada por 30 anos.Voltou a Foz; a derradeira vez en agosto de 1993; compartimos, baixo teito amigo, mesa e manteis e longa conversa. Ó seguinte día, despedímonos: “Aquí tuve durante 8 años – nos dixo, emocionado – mi paraíso”. Adolfo Lucas Reguilón, era o nome real. “La Guerra de Severo” presentado en La Haya, tras facelo en outros lugares do centro da península, escenario da súa faceta política e guerrilleira, e en Foz, con testigos da súa estadía, que interveñen no mesmo, Grazas á Pomba do Arco ollarémolo na Casa da Cultura Poeta Manuel María. Non o perdas, lector amigo.

Suso Fernández.